Airtel Rwanda yazanye internet ihendutse utabona ahandi aho ari ho hose mu Rwanda

2

Indrajeet Singh ushinzwe ubucuruzi muri Airtel Rwanda aratangaza ko iki ari cyo gihe ngo abanyarwanda bakoreshe internet.

Mu rwego rwo korohereza abakiriya bayo gukoresha interineti yizewe kandi ihendutse, Airtel Rwanda yazanye ipaki ya interineti nshya imara igihe kirekire yiswe Unlimi-Net izajya yemerera umukiriya wayo gukoresha interineti umunsi wose ku mafaranga 30rwf ku munsi, 150rwf ku cyumweru na 500rwf ku kwezi.

Unlimi-Net ni ipaki idasanzwe yihariye ku bakiriya ba Airtel mu Rwanda, igamije gufasha abanyarwanda bose gukoresha itumanaho rya interineti babona amakuru, banakoresha imbuga nkoranyambaga nka Facebook na Twitter ku giciro giciriritse.

Umwihariko w’iyi paki ni uko umuntu wayiguze azajya akomeza gukoresha WhatsApp nta kwikanga ko ifatabuguzi rishira kabone nubwo ipaki (MB) waguze zaba zashize. Ni ukuvuga ko niba waguze ipaki y’icyumweru igashira kitarangiye uzajya ukomeza gukoresha WhatsApp kugeza icyumweru kirangiye utaguze indi.

Atangiza ku mugaragaro iyi gahunda, Indrajeet Singh, umuyobozi mukuru ushinzwe ubucuruzi yavuze ko ipaki ya Unlimi-Net igamije gufasha abafatabuguzi ba Airtel guhora bakoresha imbuga nkoranyambaga, baganira n’inshuti n’abavandimwe uko bashatse ku giciro gito.

Singh yagize ati: “interineti ni ingenzi mu buzima bwacu bwa buri munsi, abafatabuguzi bayikeneye buri gihe kandi ku giciro gito kugira ngo bakomeze kuganira n’abakunzi, abo bakorana, bakurikirane amasomo, kandi banamenye ibibera ku Isi biri hafi na kure. Airtel Unlimi-NET rero izabafasha gukora ibi byose badafite impungenge zuko ifatabuguzi rirangira."

Ipaki ya Unlimi-Net ni yo paki ya interineti ihendutse mu Rwanda kuko ku mafaranga 30, (30 RWF) ubona ipaki imara umunsi, 150 RWF akagura iy’icyumweru, 500 RWF akagura iy’ukwezi.

Ku bantu baguze ipaki y’umunsi bazajya babona megabayiti 3 (3MB) bakoresha kuri facebook na twitter, abaguze ipaki y’icyumweru bazajya babona megabayiti 10 (10MB) ku munsi bakoresha kuri facebook na twitter naho abaguze ipaki y’icyumweru bazajya bahabwa megabayiti 15 (15MB) ku munsi bakoresha kuri facebook na twitter kuri ibi hakiyongeraho na WhatsApp itarangira.

Ushobora kugura ipaki ya Unlimi-Net ukanda *222# ugakurikiza amabwiriza cyangwa ugakanda *222* [nimero ya terefone] *30# ku ipaki y’umunsi, *222* [nimero ya telefone]*150# ku ipaki y’icyumweru, *222* [nimero ya teleofone]*500#ku ipaki y’ukwezi.

Ibyo wamenya kuri Bharti Airtel

Bharti Airtel n’ikigo mpuzamahanga mu itumanaho gikorera mu bihugu 20 byo ku mugabane wa Asiya no muri Afurika, kikaba gifite ikicaro gikuru mu mugi wa New Dheli mu Buhinde .Iki kigo kiri mu bigo 3 bya mbere bikwirakwiza serivisi z’itumanaho rigendanwa ku isi yose.

Mu Buhinde iyi sosiyete itanga serivizi zirimo murandasi yihuta cyane 2G,3G na 4G hakoreshejwe telefoni ngendanwa cyo kimwe no mu bindi bice byo ku isi. Mu mpera za Nyakanga Bharti Airtel yari ifite abafatabuguzi iha serivisi basaga miliyoni 333.

Ushaka kugira byinshi umenya kuri iyi sosiyete wayisura kuri uru rubuga, www.airtel.com;www.facebook.com/airtelrwanda and www.twitter.com/airtelrw.

Yisangize Inshuti.

Ibitekerezo 2

  1. Airtel ibanze udufashe gukemura ikibazo cya network, cyane ku munara wa Gihundwe i Rusizi

  2. Airtel ibanze udufashe gukemura ikibazo cya network, cyane ku munara wa Gihundwe i Rusizi

Tanga Igitekerezo