Airtel Rwanda yorohereje abifuza serivisi zitandukanye za Leta

Sosiyete y’itumanaho ya Airtel Rwanda ikomeje koroshya uburyo bwo kwishyura hifashishijwe ikoranabuhanga ari nako inafasha Leta kubaka ubukungu ibinyujije muri gahunda yo kwishyura serivisi za Leta hifashishijwe Airtel money.

Abafatabuguzi ba Airtel money ubu bashobora kwishyura serivisi za Leta zirimo nko gushaka ibyemezo by’amavuko, kwiyandikisha mu gukora ibizamini byo gutwara ibinyabiziga, ibyemezo by’ubucuruzi, ndetse n’ibyemezo by’ubucuruzi ku bigo bitanga TVA bakoresheje konti yabo ya Airtel Money. Ibi bizajya bikorwa ku bufatanye n’ urubuga Irembo, urubuga rwa Leta rwashyiriweho abaturage kugira ngo ruborohereze kubona vuba, amakuru ndetse n’izindi serivise zitangwa n’inzego za Leta.

Umuyobozi ushinzwe ubucuruzi muri Airtel Rwanda , Indrajeet Singh yavuze ko Airtel idashyize ingufu mu gufatanya na Leta gucunga neza ubukungu gusa ahubwo ko yashyize ingufu no mu korohereza abakiriya bayo aho bari hose mu kwishyura ibicuruzwa na serivisi.

Indrajeet Singh yagize ati “ Tunejejwe no gukomeza gutanga serivisi yo kwishyura mu buryo bwihuse kandi bwizewe. Udushya muri Airtel mu bijyanye no koroshya uburyo bwo kwishyura, bizakuraho inzitizi binatume haboneka uburyo bworoshye ku banyarwanda bwo kwishyura bakoresheje Airtel money”.

Ubusanzwe abafatabuguzi ba Airtel money bishyuraga serivisi zitandukanye nk’amashanyarazi, amazi, ibicuruzwa n’ ibindi, bakanze *182# bagakurikiza amabwiriza.

Ubu noneho kandi bahawe amahirwe yo kuba bakwishyura na serivisi za Leta bakurikije amabwiriza akurikira.

Gukoresha serivisi z’Irembo:

Intambwe ya mbere: Kanda *182#
Intambwe ya kabiri: Hitamo 4 (Paybill)
Intambwe ya gatatu: Hitamo 1 (Utilities)
Intambwe ya kane: Hitamo 4 (Rwanda Online)
Intambwe ya gatanu: Andikamo numero z’urupapuro uhawe ( uhawe na irembo.gov.rw)
Intambwe ya gatandatu: Shyiramo umubare w’ibanga ( wemeze)

Kohereza no kwakira amafaranga:

Intambwe ya mbere: Kanda *182#
Intambwe ya kabiri: Hitamo kohereza amafaranga
Intambwe ta gatatu: Kurikizaho nomero
Intambwe ya kane: Shyiramo nomero y’uwo woherereje
Intambwe ya gatanu: Shyiramo umubare w’amafaranga
Intambwe ya gatandatu: Shyiramo umubare wawe w’ibanga ukoresha kuri Airtel money.

Ibyo wamenya kuri Bharti Airtel

Bharti Airtel n’ikigo mpuzamahanga mu itumanaho gikorera mu bihugu 20 byo ku mugabane wa Asiya no muri Afurika, kikaba gifite ikicaro gikuru mu mugi wa New Dheli mu Buhinde .Iki kigo kiri mu bigo 3 bya mbere bikwirakwiza serivisi z’itumanaho rigendanwa ku isi yose.

Mu Buhinde iyi sosiyete itanga serivizi zirimo murandasi yihuta cyane 2G,3G na 4G hakoreshejwe telefoni ngendanwa cyo kimwe no mu bindi bice byo ku isi. Mu mpera za Nyakanga Bharti Airtel yari ifite abafatabuguzi iha serivisi basaga miliyoni 333.

Ushaka kugira byinshi umenya kuri iyi sosiyete wayisura kuri uru rubuga,www.airtel.com;www.facebook.com/airtelrwanda and www.twitter.com/airtelrw.

Donat Niyitanga

Makuruki.rw

Yisangize Inshuti.

Ibitekerezo

Tanga Igitekerezo