Kwamamaza

INKURU ZAMAMAZA

Abanyarwanda bagiye kuryohereza ku Kivu muri ya gahunda ya ’Tembera u Rwanda’

Yanditswe

kuya

na

Makuruki
Abanyarwanda bagiye kuryohereza ku Kivu  muri ya gahunda ya ’Tembera u Rwanda’

Nyuma yo kuzenguruka Kigali, abanyarwanda n’abanyamahanga babyifuza bagiye kuzenguruka Rubavu muri gahunda yateguwe na RDB yiswe Tembera u Rwanda.

Tembera u Rwanda ni gahunda yashyizweho n’ikigo cy’igihugu cy’iterambere (RDB) igamije gufasha abanyarwanda n’abanyamahanga kumenya no gukunda ibyiza bitatse u Rwanda.

Kuri ubu akarere ka Rubavu ni ko gatahiwe ku itariki 17 na 18 Ukuboza 2016, aka karere gafite imiterere n’ibikorwa byihariye bigaha ubushobozi bwo kuba ahantu ho gutemberera ushaka kuruhuka no kumenya ibyiza bitatse u Rwanda.

Aha twavuga nko kuba aka karere gaturanye n’ibice bibarizwamo ingagi nko muri pariki y’Ibirunga no kuba aka karere gakora ku mupaka w’u Rwanda na Repubulika iharanira Demukarasi ya Congo.

Si ibyo gusa kuko aka karere kari mu cyanya cy’ubukerarugendo gihuza akarere ka Musanze ko mu majyaruguru unyuze ku nkombe z’ikiyaga cya Kivu no muri Pariki ya Nyungwe kandi kagahana imbibe n’akarere ka Rusizi mu majyepfo y’u Rwanda.

Amahumbezi y’ikiyaga cya Kivu atuma aha hantu ntawakwivutsa amahirwe yo kuhatemberera, aha umuntu agira amahirwe yo kujya k’umusenyi wo kumazi, akajya mu mazi akoga ndetse akajya no mu bwato akumva umunyenga wabwo utagira uko usa, ukongeraho no kwitegereza imiterere y’imisozi y’aha hantu utabona ahandi.

Muri aka karere umuntu uhari agira amahirwe yo guhumeka umwuka mwiza kandi uhagije no kubona serivise nkenerwa zose mu mujyi wa Gisenyi zituruka ku kuba aka karere kegeranye n’umujyi munini wa Goma uherereye mu burasirazuba bwa Congo.

Muri izo serivise twavugamo izo kwakira abantu neza, iza banki, ubucuruzi, serivise z’ubwikorezi n’izindi zishingiye ku kuba aha hantu hakorerwa ibikorwa byambukiranya umupaka.

Muri aka gace nubwo ari heza cyane, ushobora kuhabona amacumbi adahenze aho ayo ku rwego ruhanitse wayabona ku madorari ari hagati ya 210 na 260 ndetse n’andi aciriritse wabona ku madorari ari hagati ya 20 n’ 100

Ibikorwa byo kuruhura abantu mu mutwe no kwidagadura na byo birahari. Ibi birimo nko kurira umusozi wa Rubavu, kugenda ku magare, gutembera umujyi wa Gisenyi, kureba urwengero rw’inzoga rukuze kuruta izindi, gutwara ubwato, kuroba, kureba amashyuza, kureba icyayi, kureba urwunge rw’ishyamba rya Mukura-Gishwati, ahantu ndangamateka na ndangamuco, ibikorwa by’ubugeni n’ibindi byinshi umuntu atarondora.

Muri aka gace by’umwihariko bitewe nuko hari abaterankunga ba Tembera u Rwanda uzahasanga ibiciro bigabanyije ku buryo budasanzwe.

IBITEKEREZO

  • Wangu Yanditse:

    Mwebwe ntimushishoza ibyanditswe mupfa gusoma mu cyongereza baravuga ngo : read between the lines. Umunyamakuru yibeshye yibagirwa gushyiramo ngo " KUVA"17-18 ukuboza 2016 niho Akarere kagizwe Akarere gafite imiterere idasanzwe yo gusura!

  • Wangu Yanditse:

    Mwebwe ntimushishoza ibyanditswe mupfa gusoma mu cyongereza baravuga ngo : read between the lines. Umunyamakuru yibeshye yibagirwa gushyiramo ngo " KUVA"17-18 ukuboza 2016 niho Akarere kagizwe Akarere gafite imiterere idasanzwe yo gusura!

  • Claude Yanditse:

    Rubavu ihana imbibi na Rusizi? None se iyi tariki yo 17-18 ukuboza 2016 ngo pariki ya Nyungwe ibaze ayo amakosa yose

  • Claude Yanditse:

    Rubavu ihana imbibi na Rusizi? None se iyi tariki yo 17-18 ukuboza 2016 ngo pariki ya Nyungwe ibaze ayo amakosa yose

  • XZ Yanditse:

    ngo le 17-18 ukuboza2016???None c turi muri 2016??
    mwagiye mwandika inkuru zitarimo amakosa koko?

Tanga igitekerezo


Kwamamaza Car Free Day/ 18/02/2018
INKURU ZAMAMAZA 10-08-2018

ITANGAZO RYA CYAMUNARA

Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza