Kwamamaza

INGANDA

[AMAFOTO] Hakenewe izindi mbaraga mu gukemura ikibazo cy’umwanda, abacyambara ibirenge n’ubushwambagara

Yanditswe

kuya

na

Makuruki
[AMAFOTO] Hakenewe izindi mbaraga mu gukemura ikibazo cy’umwanda, abacyambara ibirenge n’ubushwambagara

Hirya no hino mu Rwanda haracyagaragara abantu benshi bakigorwa no kubona imyenda n’inkweto byo kwambara,ndetse n’abataragira umuco w’isuku ku mibiri yabo. Ikigaragaza ko baba babuze ubushobozi bwo kubigura nuko hari abo usanga bambaye inkweto zidasa cyangwa ibice byazo hakaba n’abambara inkweto imwe nkuko amafoto ari hasi abigaragaza

Kuba hari abifuza kwambara inkweto n’imyenda ntibabibone bigaragaza ko mu Rwanda hagikenewe inganda nyinshi zikora imyambaro ihagije kandi ihendutse kugirango n’abafite ubushobozi buke babashe kwigurira imyambaro ijyanye n’ubushobozi bwabo.

Umunyamakuru wa MAKURUKI aherutse kunyarukira mu Ntara y’Amajyepfo mu karere ka Huye,Murenge wa Mukura agiye gukurikirana ibikorwa byo kwiyamamaza by’umwe mu bakandida bahataniraga kuyobora u Rwanda, bitewe nuko ijisho ry’umunyamakuru ritagenzwa na kamwe, yabashije kubona bamwe mu bitabiriye icyo gikorwa cyo kwiyamamaza bashobora kuba bafite ikibazo cyo kubona ubushobozi buke bwo kugura imyambaro bitewe n’imyambarire yababonanye.

Abenshi mubo mubona ku mafoto yafotorewe kuri iyo site nta nkweto bambaye, abandi bambaye izidasa, ndetse hari n’abambaye ibice by’inkweto kimwe n’abateye ibiremo/ibiraka ku myenda, ibi byose biragaragaza ko hagikenewe imbaraga mu guhaza abo bantu nabo bakabona imyambaro ihagije.

Aho igihe kigeze n’iterambere abanyarwanda bamaze kugeraho mu myumvire, ubona abanyarwanda bafite ipfunwe ryo kujya mu bandi nta nkweto bambaye ari nayo mpamvu bamwe bahitamo kugenda bambaye izidasa cyangwa ibice byazo hakaba n’abambara urukweto rumwe nkuko mubibona mu mafoto.

Hari abo ubona bambaye imyenda isa neza ariko ukabona nta nkweto bambaye, ibintu byerekana ko iyo bazigira bari kuzambara kuko aho igihe kigeza biragoye kuba umuntu yakwambara umwenda usa neza ngo asige inkweto mu nzu agende yambaye ibirenge bisa.

Ikindi kigaragara muri aya mafoto ni uko hari abantu bagifite isuku nke haba mu gukaraba no kumesa imyambaro. Aha inzego z’ibanze nazo zirasabwa kongera imbaraga mu guhwiturira abaturage kugira isuku yo kumibiri n’imyambaro yabo.

Kugirango abo bantu nabo babone imyambaro nta yindi nzira bizacamo uretse kongera inganda zikora imyambaro kuko abenshi bagonderaga kuri caguwa ariko nyuma ya gahunda ya Leta yo kuyica mu Rwanda n’abafite ubushobozi binubira ibiciro bihanitse by’imyenda mishya ikorerwa mu Rwanda.

Mu rwego rwo guca burundu caguwa mu Rwanda no kugabanya ibitumizwa mu mahanga, Leta yongeje imisoro ku myenda n’inkweto bya caguwa. Guhera kuwa 2 Nyakanga 2016, imyenda n’inkweto byinjira mu gihugu byarambawe (caguwa) byatangiye gusoreshwa umusoro wikubye inshuro 25 ugereranyije n’uwari usanzwe mbere y’iyo tariki.

Guca caguwa ni ingingo yakuruye impaka ndende igitangazwa mu ntangiriro za 2016, ariko inzego zibishinzwe zikagaragaza ko nta kibazo bizateza ahubwo ari mu rwego rwo guteza imbere ba rwiyemezamirimo b’imbere mu gihugu, no kurinda igihugu gusohora amafaranga menshi mu bitumizwa mu mahanga kandi bishobora gukorerwa no mu Rwanda.

Iyi gahunda nubwo ari nziza ku iterambere rusange ry’igihugu, bigaragara ko nihatongerwa ubushobozi bw’inganda zikora imyenda n’inkweto, abafite ubushobozi buke bazakomeza kugorwa no kubona imyambaro ijyanye n’ubushobozi bwabo nubwo n’abafite aho bakura badahwema kwinubira igiciro cy’ibikorerwa mu Rwanda usanga gihanitse.

Iki kibazo ntikigaragara mu karere kamwe kafatiwemo aya mafoto gusa ahubwo kigaragara henshi mu turere twose tw’igihugu.

Reba amafoto umunyamakuru yafotoye kuri site imwe y’aho umukandida umwe mu biyamamarizaga kuyobora u Rwanda yiyamamarije mu Murenge wa Mukura.




IBITEKEREZO

  • gatwe Yanditse:

    Mu Kagali kose ko mu Rda ntiwaburamo aba meze gutya ahubwo inganda zikore byinshi bihendutse

  • Kamaliza Yanditse:

    Aha ni mu kihe gihugu?! Africa warakubutitse koko!

  • BYINZUKI Jean Baptiste Yanditse:

    Murakoze cyane kuri iyi nkuru kuko ifite facts.
    Ubwo ahasigaye ni ahabayobozi kugira icyo bakora.

    Gusa nabasabaga ngo muzanakore inkuru icukumbuye ku mibereho ya mwarimu mu Rwanda.

    Murakoze

  • samul Yanditse:

    Ibintunkibi harahobikiba muriyi vision I
    Mana ibafashe kbs

  • samul Yanditse:

    Ibintunkibi harahobikiba muriyi vision I
    Mana ibafashe kbs

  • Iradukunda Yanditse:

    Aya amafoto aragaragaza ko inzira ikiri ndende kugirango abanyaRda benshi bave mu bukene. Kugera aho umuntu abura icyo yambara.

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza