Umutoza w’Amavubi yabeshyuje ibiherutse kuvugwa na Moussa Camara

Umutoza w’ikipe y’ikipe y’igihugu y’u Rwanda Antoine Hey yateye utwatsi amakuru yatangajwe n’umunya Mali wakiniraga ikipe ya Rayon Sports uherutse gutangaza ko uyu mutoza yamwifuje mu ikipe y’igihugu ndetse akanasaba federasiyo ko yamusabira ubwenegihugu.

Nta minsi ibiri ishize ikinyamakuru cyo muri Mali aricyo Footmali Moussa Camara wahoze ari rutahizamu wa Rayon Sports agitangarije ko umutoza w’ikipe y’igihugu y’u Rwanda Antoine Hey yamuhamagaye mu ikipe y’igihugu yamwibeshyeho aziko ari umunyarwanda nyuma akaza kubwirwa ko atari umunyarwanda.

Ngo nyuma Hey yasabye ko Camara yahindurirwa ubwenegihugu kugira ngo azakinire u Rwanda ariko uyu musore arabyanga.

Mu kiganiro n’itangazamakuru avuga uburyo u Rwanda rwiteguye umukino wo kwishyura bafitanye na Tanzania kuri uyu wa Gatandatu mu gushaka itike ya CHAN,Hey yavuze ko usibye no ko mwifuza atanamuzi.

Ati"Hahahaha, ndakeka uwo mukinnyi ambeshyera rwose kuko usibye no kumwifuza n’izina rye ntaryo nzi."

Moussa Camara avuye muri Rayon Sports nyuma y’umwaka umwe ayikinia yahise yerekeza mu Misiri mu ikipe ya Ismaily Sporting Club.

Yisangize Inshuti.

Ibitekerezo

Tanga Igitekerezo