Umunye-Mali ugiye gukinira Rayon Sport yageze i Kigali

1

Mu gitondo cyo kuri uyu wa 27 Nyakanga 2017, Rutahizamu mushya w’Ikipe ya Rayon Sport ukomoka muri Mali Alassane Tamboura yageze i Kigali aho yavuze ko yiteguye guhesha iyi kipe ibikombe bitandukanye.

Uyu munye-Mali Alassane Tamboura ufite akabyiniriro ka Ibramovich yakiriwe n’Umunyabanga Mukuru w’Ikipe ya Rayon Sport Gakwaya Olivier.

Alassane Tamboura yabwiye Ruhagoyacu dukesha iyi nkuru ko yiteguye gukora ibishoboka byose ngo iyi kipe ikunzwe na benshi mu Rwanda ikomeze kwitwara neza nk’uko yabikoze mu mwaka ushize wa shampiyona.

Yagize ati “Nje kugirango ntange ibishoboka byose. Nzakora ibishoboka byose kugira ngo Rayon Sports itware ibikombe InShaAllah.Nta kinini nzi kuri Rayon Sports gusa nje kuyifasha bishoboka. Nta kinini navuga gusa nzakora ibishoboka byose ngo dutware igikombe”.

Allasane afite imyaka 21 akaba yakiniraga ikipe yo muri Mali yitwa As Bamako aho yari yatsinze ibitego 4 muri shampiyona y’umwaka ushize, akaba aje Gusimbura Moussa Camara wagiye mu gukina mu Misiri.

Aje muri Rayon Sport asangamo mugenzi we Tidiane Kone nawe ukomoka muri iki gihigu cya Mali. Rayon Sport imaze gukura muri Mali ba rutahizamu bakomeye barimo na Diara wagiye gukina muri RDc.

Yisangize Inshuti.

Ibitekerezo 1

Tanga Igitekerezo