Umukinnyi arakubwira ngo ararwaye, umuganga ati nimuzima, njye ntakindi nakora - Masudi Djuma

6

Masudi Djuma utoza Rayon Sports aravuga ko hari abakinnyi bashobora kuba baranze gukinira iyi kipe ku bushake bwabo nta kibazo cy’imvune cyangwa ubundi burwayi bafite bikaba imvano yo gusezererwa muri shampiyona, gusa ngo ntakindi yari gukora nta n’ubwo yigeze anabitindaho cyane kuko ntacyo byari kumufasha.

Ikipe ya Rayon Sports yaraye isezerewe na Espoir mu gikombe cy’Amahoro ku giteranyo cy’ibitego 2-1, umukino ubanza wabereye i Rusizi, Rayon Sports yari yamanukanye abakinnyi 15 aho kuba 18 hakaba hari abakinnyi basanzwe bafasha iyi kipe batajyanye nayo bamwe bavuga ko bavunitse, abandi barwaye n’izindi mpamvu zitandukanye, ibi byaje gutuma iyi kipe itsindirwa i Rusizi 2-0.

Nyuma y’umukino waraye ubaye bagatsinda Espoir 1-0 bagahita basezererwa, Masudi Djuma abajijwe n’itangazamakuru niba badatsinzwe kubera abakinnyi batakinnye umukino ubanza, yavuze ko nta byinshi yabitangazaho kuko niba umukinnyi akubwiye ko arwaye, umuganga akavuga ko nta kibazo afite ngo nta kindi yari kurenzaho.

Ati"Ibyo nta kintu kinini nabivugaho, gusa niba umukinnyi akubwiye ngo ararwaye umuganga akakubwira ko umukinnyi ashobora kuba ari muzima, urumva njye ntakindi nari gukora."

Rayon Sports uyu mwaka w’imikino yari ifite intego yo kuba yatwara ibikombe byose bikinirwa mu Rwanda, aribyo icya shampiyona ndetse n’icy’Amahoro ariko yabashije gutwara igikombe cya shampiyona gusa.

Yisangize Inshuti.

Ibitekerezo 6

  1. masudi jye ndakwemera nta bintu byinshi ukora knyamwuga professional keep it up kabisa congz kubyo ukora byose

Tanga Igitekerezo