FERWAFA yafashe icyemezo ku mukino wa Rayon Sports na APR FC uherutse gusubikwa

7

Ishyirahamwe ry’umupira w’amaguru mu Rwanda FERWAFA ryemeje ko umukino wa Rayon Sports na APR FC ugomba gusubirwamo ariko hagakinwa iminota 27 yari isigaye ngo umukino urangire.

Kuri uyu wa mbere abayobozi b’aya amakipe yombi bazindukiye mu nama bari kumwe na Perezida wa FERWAFA Nzamwita Vincent De Gaulle ariko amasaha menshi bamazemo yarangiye nta cyemezo bafashe.

Komite ishinzwe amarushanwa muri FERWAFA iyobowe na Mwanafunzi Albert hamwe na Mbabazi Alain, Uwamahoro ariane na Nzeyimana Felix, ni yo yahariwe akazi ijya kwiherera ngo itange igisubizo gishobora kunyura impande zombi.

Nyuma yo kwiherera, iyi komite yaje yemezo ko uyu mukino ugomba gusubirwamo hagakinwa iminota 27 yari isigaye ngo umukino wose urangire.

FERWAFA yemeje ko uyu mukino uzasubirwamo kuwa gatatu tariki ya 27 ukabera kuri sitade ya Kigali i Nyamirambo abakinnyi bakinnye uyu mukino nibo bazasubiramo abakinnyi bari bahawe amakarita y’umuhondo bazayatangirana ndetse na Imrna Nshmiyimana ntazakina kuko yari yabonye ikarita y’umutuku bivuze ko APR FC izatangirana ikarita y’umutuku.

Uyu mukino aya makipe yombi agomba kurangiza wasubitswe kuwa gatandatu tariki ya 23 Nzeli kubera umuriro wabuze. Uyu ni umukino w’igikombe cya Super coup aya makipe yombi yahataniraga bakaba barakiniraga kuri sitde Umuganda i Rubavu.

Ku Munota wa 63 ni bwo umuriro wabuze Rayon Sports ifite ibitego 2 ku busa ndetse APR FC yanamaze kubona ikarita y’umutuku.

Yisangize Inshuti.

Ibitekerezo 7

  1. iyi komite ndayishimiye cyane kuko nta marangamutima yagize mu gufata iki cyemezo.Gusa bisigire isomo rikomeye Ferwafa.

  2. Ubu se ikidasobanutse ni iki?Niba FERWAFA ari umunyamuryango wa FIFA barashaka ngo andi mategeko bayakure he koko?Nyamara njye mbona FERWAFA ariyo yikururira impaka!

  3. Gacinya Deny niwe muyobozi rayon ikeneye. Iyo biza kuba babasaza, ubu baba batwubitseho urusyo.

Tanga Igitekerezo