Rayon Sports yegukanye umwanya wa 3 nyuma yo gutsinda Amagaju FC

Ikipe ya Rayon Sports itsindiye umwanya wa Gatatu mu gikombe cy’Amahoro nyuma yo kunyagira Amagaju ibitego 3-0.

Ibitego cya Sefu, Shassir na Nova Bayama nibyo bihesheje umwanya wa Gatatu iyi kipe yambara ubururu n’umweru.

Ni umukino ikipe ya Rayon Sports yatangiye isatira cyane ikipe ya Amagaju ariko kureba mu izamu biba ikibazo, gusa na Amagaju nayo ntiyari yicaye gusa kureba mu izamu byaje kuba ikibazo gikomeye, ihice cya mbere cyaje kurangira ari 0-0.

Igice cya kabiri cyatangiye Rayon Sports isa niyariye amavubi maze isatira cyane Amagaju, byaje gutuma ku munota wa 60 Nova Bayama atsinda igitego cya mbere ku mupira yari ahawe na Savio.

Ku munota wa 63 iyi kipe yatsinze igitego cya kabiri mbere y’uko Sefu ashyiramo agashinguracumu ku munota wa 68.

Umukino ukaba waje kurangira ari 3 bya Rayon Sports ku busa bwa Amagaju.

Yisangize Inshuti.

Ibitekerezo

Tanga Igitekerezo