Rayon Sports itsinze Azam FC mu mukino wa gicuti ihita inahabwa igikombe

Umukino wa gishuti wahuzaga Rayon Sports na Azam FC wari wateguwe mu rwego rwo kugira ngo ikipe ya Rayon Sports ibe ari wo iherebwaho igikombe cya shampiyona yatwaye hakabura umukino bakiyiheraho bitewe n’impamvu zitandukanye, urangiye ku ntsinzi ya Rayon Sports y’ibitego 4 kuri 2 bya Azam FC.

Ni umukino watangiye ubona Rayon Sports iri hejuru ya Azam FC kuko yasatiraga cyane cyane biciye kubruhande rw’ibumoso kwa Savio, ibi byaje gutuma ku munota wa 30 ku mupira n’ubundi wari uturutse kuri Savio, Kwizera Pierrot yatsinze igitego cya mbere cya Rayon Sports.

Iki gitego cyaje gusa n’igiha imbaraga aba basore ba Rayon Sports, gusa ntawabura kuvuga ko cyanatumye ikipe ya Azam FC nayo ikanguka byaje gutuma ku burangare bwa ba myugariro ba Rayon Sports, Yahya Madathir atsinda igitego cya mbere cya Azam FC. Igice cya mbere cyaje kurangura ari 1-1.

Igice cya kabiri cyatangiye ikipe ya Rayon Sports ishaka ibindi bitego. Ku munota wa 49 nyuma yo gukora akazi gakomeye aciye muri ba myugariro ba Azam FC, Savio yahise atsindira Rayon Sports igitego cya kabiri.

Ku munota wa 55 ku ikosa rya Mugabo Gabriel wanze gukura umupira imbere y’izamu kandi yarafite uburyo, Yahya Mohammed yatsindiye Azam FC igitego cya 2 maze biba 2-2.

Amakipe yombi yakomeje gusatirana ariko ubona ko.Rayon Sports ariyo iri hejuru. Byaje gutanga umusaruro ku munota wa 67 ubwo Muhire Kevin wari uyoboye ubusatirizi bw’iyi kipe yatsindaga igitego cya 3 ku mupira yari ahawe na Shassir.

ku munota wa 3 w’inyongera Shassir yaboneye ikipe ya Rayon Sports igitego cya gashinguracumu. Umukino waje kurangira ari 4 bya Rayon Sports kuri 2 bya AzambFC.

Dore 11 babanjemo ku mpande zombi

Rauon Sports:Ndayishimiye Eric Bakame, Manzi Thierry, Mugabo Gabriel, Munezero Fiston, Niyonzima Olivier, Kwizera Olivier, Nova Bayama, Muhire Kevin, Nahimana Shassir, Kakule Mugheni Fabrice, Nshuti Savio Dominique.

Azam FC:Mwadini Ali, Gambo Ismail, Kangwa Bruce, Kheri Abdallah, Mwantika David, Yahya Mudathir, Abdalla Masoud, Domayo Frank, Yahaya Mohamed, Yahya Zayd, Kipagwile Iddi.

Yisangize Inshuti.

Ibitekerezo

Tanga Igitekerezo