Kwamamaza

IMIKINO

Perezida wa FERWAFACY yaciye amarenga yo kubabarira Hadi Janvier

Yanditswe

kuya

na

Alexis Musabirema
Perezida wa FERWAFACY yaciye amarenga yo kubabarira Hadi Janvier

Umuyobozi w’ishyirahamwe ry’umukino wo gusiganwa ku magare Bayingana Aimable yatangaje ko mu minsi ya vuba bazasubiza Hadi Janvier ku mbabazi yasabye kandi ko bazamuha igisubizo cyiza.

Hadi Janvier yasabye imbabazi abayobozi ba FERWACY nyuma y’uko aherutse gusezera kuri uyu mukino avuga ko batifuza iterambere rye. Mu mwaka ushize nibwo Hadi yasezeye nyamara yaramaze igihe yitwara neza muri uyu mukino ndetse yanegukanye umudali wa zahabu mu mikino nyafurika yabereye muri Congo Brazza ville.

Byatunguye benshi kumva Hadi wari kapitene w’ikipe y’igihugu asezera kandi amakosa ayashyira ku bayobozi ba FERWACY ndetse n’aba team Rwanda.

Gusa Hadi yasabye imbabazi avuga ko ibyo yakoze yabitewe n’amarangamutima n’uburakari. Hadi yavuze ko abyicuza kandi ko asaba imbabazi abayobozi ba FERWACY, abakinnyi n’abafana.


Ibaruwa Hadi Janvier yanditse

Umuyobozi wa FERWACY Bayingana Aimable yabwiye Flash FM ko ibaruwa Hadi yanditse bayibonye kandi ko bagiye kuyigaho bakamusubiza kandi ko bazamusubiza igisubizo cyiza.

Ati :” itangazo naribonye na mbere y’aho nari nabonye amabaruwa yanditse yo gusaba imbabazi n’iyo yanyandikiye jyewe ku giti cyange byose byari gusaba imbabazi kandi yicuza ko yadusebeje kandi azi neza ko nta ruhare twabigizemo. Kuba rero yarabitekerejeho akaba yiyemeje kugaruka n’ubundi si twe twamuhagaritse nta n’ubwo twigeze tumuhagarijka ndumva tuzabisuzuma kandi tuzamuha igisubizo cyiza ntabwo twebwe twigeze tuba umuryango mubi.”

Bayingana ariko yavuze ko kuza mu ikipe y’igihugu ari ikindi kintu ati :” Janvier n’ubwo yagize iriya myitwarire itaradushimije ariko tumuziho kuba yari umukinnyi mwiza kandi wahejeshe igihugu ishema ibyo rero byose iyo tubyegeranyije dusanga dushobora kumubabarira ariko kugaruka muri team Rwanda byo ni ikindi kindi kuko amaze umwaka adakina hari ibindi agomba kuzuza kugiranho agaruke.”

Hadi Janvier yasezeye umwaka ushize wa 2016 ubwo hitegurwaga isiganwa rimenyerewe mu Rwanda ryo kuzenguruka igihugu tour du Rwanda(tour du Rwanda).

IBITEKEREZO

Tanga igitekerezo


Kwamamaza Car Free Day/ 18/02/2018
INKURU ZAMAMAZA 10-08-2018

ITANGAZO RYA CYAMUNARA

Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza