Abandi bakinnyi babiri bakomeye bashobora gusohoka muri Rayon Sports

3

Nyuma ya Nshuti Dominique Savio wamaze gusinyira AS Kigali na Masudi Djuma wamaze gusezera ku mirimo ye, ubu noneho umurundi Kwizera Pierrot na Manzi Thierry na bo biyongereye ku rutonde rw’abakinnyi bashobora gusohoka muri iyi kipe.

Nk’uko aba basore babitangarije ikinyamakuru Makuruki bavuzeko nta gihundutse nabo mu mwaka w’imikino wa 2017/2018 batazaba bakibarizwa muri iyi kipe.

Ku ruhande rwa Kwizera Pierrot avuga ko afite amakipe menshi yo hanze y’u Rwanda amwifuza akiri ibanga kugeza ubu, gusa ngo igisigaye ni uko agomba kumvisha ubuyobozi bwa Rayon Sports ko igomba kumureka akagenda kuko akibafitiye amasezerano y’umwaka umwe.


Pierrot yasinyiye Rayon Sports nyuma yo kunaniranwa na Simba

Ati"Ubu sinavuga ngo nzaba mpari cyangwa sinzaba mpari, gusa ku bwanjye uyu numvaga ari wo mwaka wanjye wa nyuma mu Rwanda, nagiriye ibihe byiza muri Rayon Sports tunatwarana ibikombe ariko numvaga igihe kigeze. Amakipe arahari ariko hasigaye ko ubuyobozi bwa Rayon Sports bunyemerera kuko ndacyabafitiye umwaka, gusa nizeye ko bazanyemerera."

Manzi Thierry we avuga ko nta kipe n’imwe baravugana ko yabanje kurangiza akazi yari afitiye Rayon Sports, gusa yemeza ko ubu yiteguye kuvugana n’uwo ari we wese wamwifuza, ndetse anemeza ko bishoboka cyane ko yasohoka muri rayon Sports.


Manzi Thierry umwe mu bakinnyi bari bafatiye runini Rayon Sports.

Ati" Ubu ku mugaragaro mvuye mu kazi kabo neza, ubu noneho niteguye kuvugana n’uwo ari we wese wanyifuza, si Rayon Sports gusa kuko ikipe izaza itanga ibyo nifuza nzayisinyira. No hanze arahari ariko nabihariye umpagarariye(Agent), ntegereje icyo azambwira."

Kwizera Pierrot yari yinjiye muri Rayon Sports mu ntangiriro za 2015 avuye mu ikipe ya Simba yo muri Tanzania naho Manzi Thierry we amaze muri iyi kipe imyaka ibiri kuva avuye mu ikipe ya Marines.

Yisangize Inshuti.

Ibitekerezo 3

  1. Pierrot yarakoze turamushimira.Akomeze atere imbere. Ngo Cedric uyu mwaka yaguzwe miliyoni zirenga 500. Na Pierrot akomeze atere imbere.

  2. Ndagushyigikiye manzi si defender ukwiye rayon libéra amakosa yé nubwiyemezi, ninde uzibagirwa igitego yahaye mbaraga jimmy dukina na Marine, none ngwibyo yifuza nta mu defender wamafiyeri nkariya

  3. Rwose Manzi yatinze kugenda muribuka amakosa ajya akora mukibuga yiyemeye Cyane Ninde uzibagirwa Ibyo Danny usengimana yamukoteye muri retour koko none ngo ashaka ibya mirenge ku ntenyo bamureke agende kbsa. Ubundi Ngo umukinnyi nkawe ngo ntiyakora urugendo rwamasaha atandatu ajya i Rusizi we na Savio.nagende kbsa he is unprofessional player. Gusa yumveko akiri kwiga umupira Ntaho aragera.

Tanga Igitekerezo