Nta masaha 24 avuye i Burundi kuvuza umwana we, Shassir yapfushije umubyeyi we

8

Rutahizamu w’umurundi ukinira ikipe ya Rayon Sports, Nahimana Shassir yapfushije papa we nyuma y’amasaha make avuye i Burundi kuvuza umwana we wari urwaye.

Nahimana Shassir ntiyajyanye n’ikipe ye ya Rayon Sports i Rusizi gukina umukino ubanza wa 1/2 mu gikombe cy’Amahoro, umukino baje gutsindwa na Espoir 2-0.

Impamvu ni uko uyu musore yari yagiye iwabo i Burundi kuvuza umwana we wari urwaye.

Nk’uko uboyobozi bw’ikipe ya Rayon Sports bubyemeza, Shassir yari yagarutse ndetse ari kumwe na bagenzi be mu mwiherero bitegura umukino wo kwishyura uri bube uyu munsi kuwa Gatatu.

Mu masaha make ariko, Shassir yaje kwakira inkuru y’akababaro ku mugoroba wo kuwa kabiri ko papa we yitabye Imana.

Shassir ni umwe mu bakinnyi bafashije ikipe ya Rayon Sports kuba yakwegukana igikombe cya shampiyona cy’uyu mwaka w’imikino 2016/2017, akaba yarinjiye muri iyi kipe umwaka ushize wa 2016 mu kwezi kwa Nyakanga.

Yisangize Inshuti.

Ibitekerezo 8

Tanga Igitekerezo