Narabivuze ko Rayon Sports imeze nk’icyambu - Masudi Djuma

Masudi Djuma abona ko ntawagakwiye kugira ikibazo cy’abakinnyi bava mu ikipe ya Rayon Sports bakerekeza mu yandi makipe kuko ari ubuzima baba bashaka kandi Rayon Sports idashoboye kububaha, muri make ngo Rayon Sports ni nk’irerero ry’abakinnyi.

Kugeza uyu munsi uretse Camara na Savio bamaze gusohoka ku mugaragaro muri iyi kipe, biravugwa ko n’abandi bakinnyi barimo Manzi Thierry, Fiston n’abandi bashobora gusohoka muri iyi kipe.

Mu kiganiro n’itangazamakuru, Masudi Djuma asa nuvuga kuri Savio wamaze gusinyira AS Kigali yavuze ko nta wari kubuza Savio kugenda kandi yarabikoreye.

Yagize ati"narababwiye ko Rayon Sports imeze nka transit (icyambu cyangwa inzira), umuntu araza agakora ibintu byiza akagenda ntumubuze, mureke agende yarabikoreye kuko ni ubuzima arimo gushaka, Rayon Sports ni nka pepiniere(irerero)."

Rayon Sports yatwaye igikombe cya shampiyona uyu mwaka bivuze ko ari yo izasohokera u Rwanda mu mikino Nyafurika ya Champions League.

Kuba irimo gutakaza abakinnyi bamwe bayifashije uyu mwaka bivuze ko na yo igomba kujya ku isoko kugura abo kubasimbura.

Yisangize Inshuti.

Ibitekerezo

Tanga Igitekerezo