Mu magambo yuje amarangamutima Pappy yavuze ko atazibagirwa APR FC

4

Semababa w’umunyarwanda Sibomana Patrick uzwi nka Pappy ubu akaba ari umukinnyi w’ikipe ya FC Shakhtyor Soligorsk muri Belarus avuga ko mu buzima bwe adashobora kwibagirwa ikipe ya APR FC kuko iyo arebye buri kimwe kuri we asanga ari APR FC.

Uyu musore wavuye mu Rwanda mu cyumweru gishize agiye muri Belarus gukora ikizamini cy’ubuzima mu ikipe ya FC Shakhtyor Soligorsk yo mu cyiciro cya mbere yagitsinda agahita asinyira iyi kipe, uyu musore yamaze kuba yagitsinda ndetse akaba ari bunasinyire iyi kipe kuri uyu wa Kane amasezerano y’imyaka 2.

Pappy aganira na Makuruki yatangaje ko ari businye uyu munsi, ndetse ko kwibagirwa APR FC ari ibintu bitabaho kuko iyo yirebye asanga buri kimwe ari APR FC.

Ati "Ikizamini cy’ubuzima naje gukora naragitsinze, ubu ntagihindutse ndasinya imyaka 2 kuri uyu wa Kane. APR FC ni ikipe ntashobora kwibagirwa, kuko iyo ndebye nsanga buri kimwe kuri njye ari APR FC natwaranye nayo ibikombe bya shampiyona n’iby’Amahoro, urabona kubera Azam yerekana imikino ya APR FC myinshi ibitego byose natsinze Azam yarabifashe ni nayo mpamvu iyi kipe yambonye nkeka ko iyo mba nkina nko mu Isonga cyangwa ahandi ntiyari kumbona. urumva byose ni APR FC."

Yakomeje agira ati "APR FC niyo yangize uwo ndiwe kuri ubu, ndashimira Minister(Gen. James Kabarebe), Camarade baramfashije cyane kugira ngo ngere aha, ntago nzibagirwa ibikombe natwaranye na APR FC no muri CV(ibyo nakoze) yanjye birimo ko natwaranye ibikombe nayo, buri kintu ni APR FC. APR FC, APR FC ni byinshi nayivugaho kuko ibyo yankoreye ni byinshi, APR FC, APR FC mvuze ibyayo bwakira bugacya kuko ni ikipe nziza buri muntu yakwifuza gukinamo."

Pappy avuga ko bitewe n’urwego bagenzi be yabasanzeho bizamusaba gukora cyane kugira ngo abone umwanya wo gukina kuko yari amaze iminsi mu kiruhuko adakina.

Yisangize Inshuti.

Ibitekerezo 4

Tanga Igitekerezo