Lukaku arangije ikizamini cy’ubuzima, mu masaha macye araba ari umukinnyi wa Manchester United

Rutahizamu Romelu Lukaku wakiniraga ikipe ya Everton yamaze kurangiza ikizamini cy’ubuzima ubu mu masaha macye araba atanganjwe nk’umukinnyi wa Manchester United.

Iki kizamini yagikoreye mu mujyi wa Los Angeles muri Leta zunze ubumwe za Amerika, ibi bivuze ko mu masaha macye Lukaku aza kuba ageze mu ikipe ya Manchester Unitede agatangazwa nk’umukinnyi mushya wayo.

Lukaku nasinyira Manchester United ashobora guca agahigo kashyizweho na Pogba ko kugurwa amafaranga menshi.

Lukaku azagurwa miliyoni 75 z’amapawundi ariko akazanatangwaho n’andi miliyoni 15 bitewe n’uko azitwara mu mikino azakinira Manchester United yose hamwe akazaba miliyoni 90 z’amapawundi mu gihe Pogba ubwo yavaga muri Juventus we yaguzwe miliyoni 89 z’amapawundi.

Biteganyijwe ko Lukaku azatangirana imyitozo na Manchester United muri Leta zunze ubumwe za Amerika ari naho izamusanga. Lukaku uvuye muri Everton arabisikana n’uwari kapitene wa Manchester United Wayne Rooney nawe wamaze gusubira mu ikipe ya Everton ari naho yakuriye mbere y’uko aza muri Manchester United mu mwaka wa 2004.


Lukaku akora ikizamini cy’ubuzima


Bamwe mu bafana ba Manchester United batangiye guhura na Lukaku

Yisangize Inshuti.

Ibitekerezo

Tanga Igitekerezo