Kwamamaza

IMIKINO

Kiyovu Sports ikuyeho amateka y’imyaka 12 idatsinda APR

Yanditswe

kuya

na

Alexis Musabirema
Kiyovu Sports ikuyeho amateka y’imyaka  12 idatsinda APR

Umukino wa shampiyona wahuzaga ikipe ya Kiyovu Sports na APR FC urangiye ku ntsinzi ya Kiyovu y’igitego kimwe ku busa ikuraho amateka y’imyaka 12 yari imaze idatsinda APR FC.

Uyu mukino waberaga ku kibuga cya Mumena wari uw’umunsi wa kane wa shampiyona y’icyiciro cya mbere mu Rwanda. Kiyovu Sports yari ifite amanota 3 gusa yari yitezwe kureba niba ishobora gutsinda APR FC yari iya mbere igakuraho amateka y’imyaka 12 yari imaze itayitsinda.

Amakipe yombi yatangiye umukino agaragaza inyota yo gutsinda ibitego ari nako asatirana cyane kuko ku munota wakabiri gusa Maxime Sekamana yahushije igitego asigaranye n’umunyezamu Ndoli Jean Claude.

Kiyovu Sports nayo ariko yakomeje gusatira ishaka igitego yaje no kugeraho ku munota wa 32 na kabiri cyatsinzwe na Mustapha Francis ku mupira wari ugaruwe imbere y’izamu na Jean Paul.

APR FC yagerageje gusatira ishaka kwishyura ariko igice cya mbere kiyirangirana itabashije kwishyura Kiyovu Sports ikiyoboye n’igitego kimwe ku busa.

Igice cya kabiri cyatangiranye n’impnduka kuri APR FC zakuye Tuyizere Martin mu kibuga hinjiramo Onesme waje gushaka ibitego . gusa byakomeje kwanga umutoza Jimmy Mulisa akuramo na Imran Nshimiyimana yinjizamo Buteera Andrew ariko nabwo biraga ikipe ye ibura igitego.

Amakipe yombi atiko yakomeje gusatirana APR FC iashaka igitego Kiyovu nayo ishaka gutsinda ikindi ari nako irinda icyo yari yatsinze. Umukino waje no guhira Kiyovu iwurangiza iwutsinze kuri iki gitego kimwe ku busa.

Ubu APR FC igumye ku mwanya wa mbere n’amanota 7 mu gihe itegereje ko andi makipe akina mu gihe Kiyovu Sports yo ifite amanota 6.

Indi mikino itegayijwe kuri uyu munsi wa 4 wa shampiyona

28/10/2017
Rayon Sports Fc vs Kirehe Fc (Stade de Kigali, 15h30)
Amagaju Fc vs Mukura VS (Nyagisenyi, 15h30)
Marines Fc vs Espoir Fc (Stade Umuganda, 15h30)
Sunrise Fc vs Etincelles Fc (Nyagatare grounds, 15h30)

29/10/2017
Musanze Fc vs Police Fc (Stade Ubworoherane, 15h30)
Miroplast Fc vs Bugesera Fc (Stade Mironko, 15h30)
AS Kigali vs Gicumbi Fc (Stade de Kigali,15h30)

IBITEKEREZO

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza