Kabuhariwe muri ruhago Ronaldo ahanishijwe guhagarikwa imikino 5

Ishyirahamwe ry’umupira w’amaguru muri Esipanye biciye mu kana gashinzwe imyitwarire rifatiye Cristiano Ronaldo ibihano byo kumuhagarika imikino 5 kubera gusunika umusifuzi.

Ibi Ronaldo yaraye abikoze nyuma y’uko yaramaze guhabwa ikarita ya 2 y’umuhondo ikavamo iy’umutuku ashinjwa kwigwisha.

Hari ku mukino ikipe ye ya Real Madrid yandagajemo FC Barcelona iyitsinda ibitego 3 kuri kimwe iyisanze mu rugo.

Nyuma y’uko umusifuzi ashyize muri raporo y’umukino ko Ronaldo yamusunitse kubera kumuha ikarita y’umuhondo byatangiye guhwihwiswa ko ashobora guhanishwa imikino 12 adakina nk’uko amategeko abiteganya.

Ibi ariko birangiye uyu mukinnyi kabuhariwe kuri iyi si ahanishijwe guhagarikwa imikino 5.

Ronaldo kandi yaciwe amande angana n’amayeri ibihumbi 800 naho Real Madrid iyo icibwa imihimbu 350 by’amayero

Iri kosa Ronaldo ahaniwe yarikoreye umusifuzi wasifuriye Real Madrid na Barcelona Ricardo de Burgos Bengoetxea . Ibi bihano yahawe bigenwa n’ingingo ya 96 yo mu gitabo cy’amategeko agenga umupira w’amaguru muri Esipanye.

Imikino Ronaldo azasiba harimo n’uwa FC Barcelona

16/8/2017 -Real Madrid vs Barcelona (Spanish Super Cup)

20/8/2017 - Real Madrid vs Deportivo (away)
27/8/2017 - Real Madrid vs Valencia (home)
9/9/2017 - Real Madrid vs Levante (home)
17/9/2017 - Real Madrid vs Real Sociedad (away)

Yisangize Inshuti.

Ibitekerezo

Tanga Igitekerezo