Ihuriro ry’abamagana ubuyobozi bwa FERWAFA ryongeye gukora inama yo kunoza intego zabo

2

Ihuriro ry’abayobozi b’amakipe bavuga ko bagamije impinduka mu mupira bongeye gukora inama yo kunoza neza gahunda zabo z’impinduka bateganya mu mupira w’amaguru w’ u Rwanda .

Iri huriro rigizwe n’abayobozi b’amakipe agera kuri 25 bavuga ko batemeranya n’uko umupira w’u Rwanda uyobowe ngo kuko nta cyerekezo ufite.

Batangiye bavuga ko bishyize hamwe kugirango bategure impinduka mu mupira w’u Rwanda bemeza ko uri mu bihe bibi bidafite icyerekezo kandi ko biterwa n’ubuyobozi bwa FERWAFA na bwo budafite icyerekezo.

Iyi nama bakoze ikirangira bahaye ikiganiro abanyamakuru bavuga ku ntego zabo, Kanamugire Fidele umuyobozi w’ikipe ya Heroes FC ikina mu kiciro cya kabiri akaba umuvugizi w’iri huriro yavuze ko intego yabo ari ukunoza umupira w’u Rwanda.

Yagize ati:"Intego yacu si iyindi, intego yacu ni uko tubona ko umupira w’amaguru mu Rwanda ukeneye impinduka, ngirango namwe murabibona dushobora gukora isuzuma tukareba tuti ese umupira wacu uvuye he ugeze he . Ndahamya neza ko mwese mubibona natwe turi mu mupi

ra turabona ko umupira wacu nta cyerekezo ufite, impamvu twishyize hamwe ni ukugirango byibura dushobore guha umupira wacu icyerekezo.”

Kanamugire avuga ko muri iyi myaka ine irangiye ari nayo Perezida De Gaulle amaze ayobora FERWAFA ngo umupira w’u Rwanda ntacyo wagezeho haba mu ikipe y’igihugu y’abagabo n’iy’abagore ndetse no muri shampiyona zitegurwa na FERWAFA kandi ngo nta n’icyerekezo ufite.

Kanamugire avuga ko bagiye gutegura inyigo yafasha umupira w’amaguru gutera imbere hanyuma bakazareba umuntu wabafasha kuyishyira mu bikorwa bakamugira umukandida.

Ati :”Gahunda yacu ni uko tugomba kubaka uburyo umupira w’amaguru ugomba kugenderaho tugatanga icyerekezo, tugakora inyigo . Ibyo kuvuga ngo umukandida icyo dushaka ni ugutegura inyigo mbere na mbere hanyuma tukareba tuti ninde wadufasha kuyishyira mu bikorwa noneho tugashyiraho na komite ngenzuzi izajya imukurikirana uko abishyira mu bikorwa.

…. Icyemezo cyo gutanga umukandida ubungubu turacyari gutegura inyigo ariko mu gihe kiri imbere tuzabahamagara tubereke umukandida ariko tugomba gutekereza ku muntu uzafata iyo nyigo akayishyira mu bikorwa.”

Kanamugire avuga ko batagamije guhangana ahubwo ngo bagamije gushaka impinduka mu mupira. Ati:”Twebwe intego yacu ntabwo ari uguhangana kuko niba ubuyobozi buriho bukaba buri gukora ibintu bitari byiza bitari guteza umupira imbere hakaba hari ihuriro rihagurutse kugirango naryo rishobore kugaragaza gahunda yabo yateza umupira imbere ubundi uwabibona nko guhangana niwe waba afite ikibazo.”


Bamwe mu bayobozi bagize iri huriro

Bamwe mubayobozi bazwi bari muri iri huriro harimo umuyobozi wa Rayon Sports Gacinya Chance Dennis , Gisanura Raoul wigeze kuba Vis Perezida wa FERWAFA akaba ari umuyobozi wa Gasabo Fc , iri huriro rikaba riyobowe na Perezida wa Pepiniere FC Munyankumburwa Jean Mari Vianney.

Yisangize Inshuti.

Ibitekerezo 2

  1. OOOHHHHHHHHHHHHHHH Rayooon !!!!!!!!!!!!!!! Gasenyi Niyo izana aya matiku yose mu mupira wacu, ariko ntizatinda kubona yibeshye, rero numva ngo yiyise ikipe ya rubanda nkibaza niba yarabaye amavubi bikanyobera.

    Ubwose Kanamugire numva avuga ngo umupira wacu wapfuye mumyaka 4 ishize, umupira wacu umaze imyaka 4 gusa ubayeho, ese nimtubwire muti umupira wacu mumyaka iyi niyi wari ufite icyerekezo noneho harebwe uwari umuyobozi icyo gihe abe yashyirwa mubuyobozi bwawo murikigihe nibura abagire inama, naho ibyo kuvuga ngo mumyaka 4 gusa, muradusekeje!!!

    hanyuma se abayoboraga mumyaka 4 yayibanjirije bakoze iki ! nibura iyo muvuga mumyaka 8 ,
    ikibazo si Degaule ugifite, ahubwo nimwe mufite ibibazo kuko ikigaragarira twe abakunzi bumupira wurwanda nuko mwiyemeje kumunaniza muri byose kandi bamwe muri mwe mwaramutoye, ese mwamushyizeho mubona adashoboye, ariko muribeshya !!!!

Tanga Igitekerezo