Kwamamaza

IMIKINO

Amavubi yari azi icyuho cya Ethiopie mbere y’umukino

Yanditswe

kuya

na

Alexis Musabirema
Amavubi yari azi icyuho cya Ethiopie mbere y’umukino

Ikipe y’u Rwanda yaraye itsinze umukino wa mbere na Ethiopie wa kamarampaka wo gushaka tike ijya muri CHAN ibitego 3 kuri 2, umunyezamu Bakame akaba na kapitene avuga ko bari bazi icyuho cyayo kirimo n’umunyezamu mubi anasaba bagenzi be kutirara.

Ibitego by’u Rwanda byatsinzwe na Rutanga Eric w’ikipe ya Rayon Sports, Hakizimana Muhadjili wa APR FC na Biramahire Abeddy wa Police FC mu gihe Asechalew Girma na Abubakher Sanni batsindiye ikipe ya Ethiopia.

Nyuma y’umukino umunyezamu Ndayishimiye Eric Bakame yatangaje ko bari bazi icyuho cya Ethiopie harimo n’umunyezamu w’umuswa.

Ati :”Nari nasabye bagenzi bange ko ayo mahirwe twayafatisha amaboko abiri twebwe twashakaga gukina ntitwemere ko badutsinda ibitego bibiri. Narababwiye nti ni ikipe ikina ariko isa naho nta ntego bafite kandi nkeka ko iyo baza kuba ari ikipe ikuze mu mutwe nabo bari kutubonamo ibitego byinshi ariko narimbizi ko imyaka maze nkina na Ethiopie ni ikipe ikunda guhura n’ikibazo cy’abazamu.”

Bakame yavuze ko yasabye abakinnyi be kuryamira amajanja kuko urugendo rutararangira ati :”Nabwiye bagenzi bange mu rwambariro twishime ariko tumenye ko akazi katarararangira. I Kigali icyo dusabwa ni ukwinjizwa igitego hakiri kare ndasaba n’abanyarwanda bose baze batube inyuma.”

Umukino wo kwishyura uzabera I kigali tariki ya 12/11/2017 ikipe izarangiza iyi mikino yombi yitwaye neza niyo izajya muri CHAN izabera muri Ethiopie.

IBITEKEREZO

Tanga igitekerezo


Kwamamaza Car Free Day/ 18/02/2018
INKURU ZAMAMAZA 10-08-2018

ITANGAZO RYA CYAMUNARA

Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza