Ubuyobozi bwa Sunrise bwahakanye ibyo kugurisha Serumogo muri Rayon Sports

Ubuyobozi bw’ikipe ya Sunrise buranyomoza amakuru y’uko myugariro wayo akaba na kapiteni w’iyi kipe Serumogo yaba ari mu biganiro na Rayon Sports, bukavuga ko mubagomba kuva muri iyi kipe atarimo kuko atagurishwa.

Nta minsi ibiri ishize amakuru akwirakwiye hirya no hino ko myugariro wo ku ruhande rw’iburyo mu ikipe ya Sunrise ari we Serumogo Ally ashobora kwerekeza mu ikipe ya Rayon Sports mu mwaka w’imikino utaha.

Ahanini byashingirwaga ku biganiro bigufi yagiye agirana na banwe mu bafana ba Rayon Sports ababwira ko ibiganiro bigeze kure n’ubuyobozi bw’ikipe ya Rayon Sports ndetse ko ashobora kuba yanayerekezamo.

Nk’uko bigaragara ku butumwa bugufi yagjranye na bamwe mu bakunzi ba Rayon Sports batari ubuyobozi bw’iyi kipe, avuga ko asigaje umwaka umwe ku masezerano ye ariko akavuga ko igihe cyose yaba abonye ikipe Sunrise yamurekura.

Umunyamabanga w’iyi kipe ya Sunrise, Bwana Rebero Emmanuel yabwiye Makuruki ko mu bakinnyi bagomba gusohoka muri iyi kipe Serumogo atarimo kuko akibafitiye amasezerano kandi na bo bakaba bakimukeneye.

Ati" Ayo makuri siyo rwose, abakinnyi bazasohoka mu ikipe yacu twamaze kubabamenyesha kandi ntabwo arimo (Serumogo), aracyadufitiye amasezerano y’umwaka kandi agomba kuwudukinira kuko natwe turamukeneye, ikindi nta muyobozi wa Rayon Sports wigeze atwegera ngo tuvugane kuko uriya ni umukinnyi wacu adufitiye amasezerano kandi adafunguye (open contract) nk’uko byavugwaga, ibyo narabyumvishe kuko ni kapiteni (Serumogo) ubwe wabinyibwiriye ni abafana bavugana kandi ibyo bavugana byose araza akabimbwira nta muyobozi baravugana. Ni umukinnyi wacu n’uwamwegera wese ataduciyeho ntacyo byatanga n’ubwo atagurishwa."

Uyu mukinnyi ntavuzwe gusa kuba yakwerekeza mu ikipe ya Rayon Sports gusa, dore ko minsi yashize ikipe ya AS Kigali yegereye ubiyobozi vwa Sunrise bumushaka ariko bakabwirwa ko atagurishwa.

Yisangize Inshuti.

Ibitekerezo

Tanga Igitekerezo