Kwamamaza

IMIKINO

APR FC iragarura inkingi za mwamba 3 ku mukino wa Rayon Sports

Yanditswe

kuya

APR FC iragarura inkingi  za mwamba 3 ku mukino wa Rayon Sports

APR FC irakira Rayon Sports kuri uyu wa gatanu yagaruye abakinnyi 3 bakomeye barimo Kapitene Migi na myugaruriro Rugwiro Herve ndetse na Maxime Sekamana bose batakinnye umukino wa Police FC ku cyumweru.

Aba bakinnyi bombi ntibakinnye umukino APR FC yanganyije na Police FC, Mugiraneza Migi yari yaravunitse, Herve afite amakarita 3 y’umuhondo naho Sekamana Maxime we yari yarabonye ikarita y’umutuku ku mukino wa Musanze FC.

Migi wavunitse igufa ry’itama ku mukino wa Mukura VS yahise abagwa, ariko avuga ko ubu ameze neza ndetse amaze iminsi akora imyitozo ikomeye hamwe n’abakinnyi bagenzi be.

Ati:”Bari bampaye ibyumweru 3 ejo nibwo nabyujuje , birasaba ko ejo muganga wambaze nzajya kumureba yongere ansuzume niwe uzafata icyemezo ko ntangira gukina.”

Migi ariko yavuze ko kuriwe yumva ameze neza ndetse amaze icyumweru akorana n’abandi imyitozo ikomeye. Ati:”Gusa ku giti cyange meze neza ,maze icyumweru nkorana imyitozo ikomeye n’abandi jyewe ndakomeye ntakibazo niteguye gukina.”

Icyuho cya Migi na Herve cyaragaragaye ku mukino APR FC yakinnye na Police FC, bivuze ko bazakiziba ku mukino biteguramo Rayon Sports.

N’ubwo muri APR FC havugwa imyiteguro myiza y’uyu mukino ukomera kurusha iyindi muri shampiyona y’u Rwanda, kuri mukeba wabo Rayon Sports bo siko bimeze kuko bakomeje kuvugwamo umwuka mubi.

Nyuma yo kwirukana umunyezamu akaba na kapitene w’iyi kipe Ndayishimiye Eric Bakame, ubu birukanye n’abatoza 3 barimo umukuru Ivan Minnaert ndetse n’abamwungirije 2 Romami Marcel na Janot Witakenge.

APR FC izakira Rayon Sports kuwa gatanu tariki ya 15/6/2018 ni umukino ukomeye kuko n’ubwo Rayon Sports isigaranye amahirwe macyeya yo gutwara igikombe ariko APR FC niwo mukino uzayiha icyizere cyo gukomeza guhangana na AS Kigali.

IBITEKEREZO

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza