Kwamamaza

IMIKINO

APR FC inyagiye Amagaju irayasezerera isanga Espoir kuri Finale y’igikombe cy’Amahoro

Yanditswe

kuya

na

KAGABO Canisius
APR FC inyagiye Amagaju irayasezerera isanga Espoir kuri Finale y’igikombe cy’Amahoro

Ikipe ya APR FC igeze ku mukino wa nyuma w’igikombe cy’Amahoro nyuma yo gusezerera ikipe ya Amagaju ku giteranyo cy’ibitego 6-1. Bivuze ko ku mukino wa nyuma iyi kipe izahura na Espoir yo yasezereye Rayon Sports.

Wari umukino wo kwishyura wa 1/2 waberaga ku kibuga cya Kigali, APR FC yari yakiriye Amagaju FC. Umukino ubanza amakipe yombi yari yanganyije 1-1, umukino wo kwishyura ikipe ya APR FC ikaba itsinze Amagaju 5-0, bivuze ko iyisezereye ku giteranyo cy’ibitego 6-1.

Ibitego bibiri bya Hakizimana Muhadjiri na kimwe cya Djihadi Bizimana, Maxime na Nshuti Injocent nibyo byashimangiye intsinzi ya APR FC iyigeza ku mukino wa nyuma.

Ni umukino ikipe ya APR FC yatangiye isatira cyane ishaka igitego, byaje no kuyihira maze ku munota wa 4 gusa ku mupira wari uzamukanywe na Issa Bigirimana, Muhadjiri yafunguye amazamu. Bidatinze ku munota wa 19 mwishywa wa Muhadjiri ari we Djihadi yashyizemo igitego cya kabiri.

Ku munota wa 40 Issa yahuye n’ikibazo cy’imvune ahita asimburwa na Nkinzingabo Fiston ndetse n’igice cya mbere kirangira ari 2 bya APR FC ku busa bwa Amagaju.

Igice cya kabiri cyatangiye ikipe ya Amagaju ubona ariyo isatira cyane ariko ibi byaje guhagarikwa na Muhadjiri ku munota wa 67 ubwo yatsindaga igitego cya 3 ni nyuma y’akazi gakomeye ko gucenga ba myugariro ba Amagaju kari kamaze gukorwa na Eric Tuyishime uzwi nka Congolais wari winjiye mu kibuga asimbuye Yannick Mukunzi wasaga nutibonaga mu mukino.

Ku munota wa 79 Maxime wari winjiye asimbuye Ngabo Albert yatsinze igitego cya 4 ku mupira yari ahawe na Imanishimwe Emmanuel, ku munota wa 90 Nshuti Innocent yatsinze igitego cy’agashinguracumu umukino urangira ari 5-0

Umukino waje kurangira ari 5 bya APR FC ku busa bwa Amagaju bikaba ari ibitego 6-1 mu mikino yombi.

Umukino wa nyuma ukaba uteganyijwe tariki ya 4 Nyakanga 2017 ukaba uzahuza APR FC na Espoir umukino ukazabera ku kibuga cya Kigali i Nyamirambo, ni mu gihe Stade Amahoro ikirimo gusanwa.

IBITEKEREZO

  • safi Yanditse:

    nizitari amagaju turahondagura

  • Bizimana Ibrahim Yanditse:

    Ndumufana wa APR FC I cy’Amahoro turacyijyana kbsa

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza