Simba SC mu rugamba rwo kugurisha umwambaro wa Haruna mu buryo bwihariye

Nyuma y’uko kapiteni w’ikipe y’igihugu Amavubi, Haruna Niyonzima yanze kongera amasezerano mu ikipe ya Yanga Africans, akajya muri Simba SC ubu noneho iyi kipe irimo irashaka uburyo izacuruza umwambaro w’uyu musore mu buryo bwihariye.

Nk’uko tubikesha Blog ya Saleh Jembe yo muri Tanzania, iratangaza ko umugande Okwi na Haruna Niyonzima wo mu Rwanda bamaze gusinyira Simba igisigaye ari ugutangira akazi ndetse bakaba bari bwerekanwe ku mugaragaro bitarenze iki cyumweru.

Ikindi kandi iyi kipe ngo irimo irashaka uburyo yazacuruzamo imyambaro y’aba bagabo ku buryo bwihariye nk’uko iyi Blog yabitangarijwe n’umwe mu bayobozi b’iyi kipe batatangaje izina.

Ati"Imyambaro yabo izagurishwa kimwe n’iy’abandi, ariko yo hagomba kubaho umwihariko ndetse tuzanakoresha myinshi kuruta iy’abandi."

Haruna yasinyiye SIMBA nyuma yo kuva muri Yanga Africans, nayo yagiyemo avuye muri APR FC yo mu Rwanda.

Yisangize Inshuti.

Ibitekerezo

Tanga Igitekerezo