Uwo muhungu muvuga Duhayindavyi Gael ni umuhungu wanjye naranamwigishije. - Kanyankore Gilbert

Kanyankore Gilbert Yaounde umutoza Bugsesera FC yeruye yemeza ko ari mu bantu bari gushaka umurundi Gael Duhayindavyi ngo abe yaza muri Bugesera ndetse ko nta n’igihindutse mu cyumweru gitaha yerekeza mu Burundi kuganira n’uyu musore.

Muri iyi minsi amakuru yigura n’igurisha ry’abakinnyi(mu Rwanda) bava mu makipe amwe berekeza muyandi niyo arimo gucicikana ku mbuga nkoranyambaga, mu bitangazamakuru n’ahandi.

Kanyankore Gilbert atangaza ko atapfa kuvuga abakinnyi yifuza kuko ushobora gusanga n’andi makipe yaba abakeneye ndetse yo anafite uburyo bworoshye bwo kubageraho kumurusha, gusa yemereje itangazamakuru ko akeneye umurundi Duhayindavyi Gael cyane cyane ko ngo yanamwigishije mu mashuri yisumbuye akaba yitegura no kujya kumureba mu cyumweru gitaha.

Ati" Uwo muhungu ni umwana wanjye, naramwigishije muri segondaire(amashuri yisumbuye), turavugana n’ejo twarimo tuvugana, n’uyu munsi dufite gahunda yo kuvugana ni mugoroba gusa yaba Bugesera n’andi makipe amwifuza ntabyo nzi. Njye ndamushaka ndetse cyane, mu cyumweru gitaha nzajya mu Burundi kubonana na we."

Gael ni umukinnyi w’umurundi wanabaye umukinnyi w’umwaka mu Burundi uyu mwaka. Bikaba bivugwa ko yifuzwa n’amakipe menshi atandukanye ya hano mu Rwanda arimo Rayon Sports, AS de Kigali ndetse na Bugesera.

Yisangize Inshuti.

Ibitekerezo

Tanga Igitekerezo