Undi muririmbyi w’umunyatanzaniya yahishuye amarangamutima agirira Haruna Niyonzima

Nyuma y’uko uwahoze ari nyampinga wa Tanzania mu mwaka wa 2006, Wema
Seputu atangarije ko akunda byahebuje umukinnyi w’umunyarwanda
ukinira ikipe ya Yanga ariwe Haruna Niyonzima kuri ubu undi muhanzi
ukomeye hariya muri Tanzania nawe yatangaje ko nta mukinnyi ukina hariya
muri Tanzania urusha Haruna.

Yitwa Rutha Bushoke, umuhanzi ukomeye hariya Muri Tanzania
aganira n’ikinyamakuru Mwanaspoti yagaragaje ubuhanga bw’uyu kapiteni
w’Amavubi ndetse akaba na kapiteni wungirije mu ikipe ya Yanga ndetse
anemeza ko nta mukinnyi umurusha ubuhanga mu barimo gukina muri
Tanzania.

yagize ati"nkunda umuntu uhora atekereza ku kazi ke igihe cyose, nicyo
nabonye kuri Haruna, azi umupira afite impano kandi nanemeza ko mubo
bakinana ntawumurusha akenshi abikora kugira ngo arinde ubuzima bwe."

Haruna Niyonzima ni umwe mu bakinnyi bakunzwe ku rwego rwo hejuru hariya muri Tanzaniya n’abafana ba Yanga akinira ndetse na bamwe mu bafana ba mukeba wayo Simba n’ubwo bidakunze kubaho ko abafana ba Simba bakunda umukinnyi wa Yanga.

Kagabo Canesius

Makuruki.rw

Yisangize Inshuti.

Ibitekerezo

Tanga Igitekerezo