Umutoza w’Amavubi yamaze kwirukanwa

Jonny MCKinstry umutoza watozaga ikipe y’u Rwanda Amavubi yirukanywe mugihe u Rwanda rukomeje gusubira inyuma umusubirizo ku rutonde rwa FIFA.

Amakuru yizewe agera kuri Makuruki.rw aravuga ko uyu mutoza yamaze gusezererwa bidasubirwaho. Aya makuru asohotse nyuma y’uko bimwe mu bitangazamakuru byari byamaze kwandika ko uyu mutoza asezererwa uyu munsi.

Mu kiganiro MCKinstry yagiranye n’itangazamakuru yavuze ko amakuru yo kwirukanywa ntayo azi kandi ko yiteguye gutangira umwiherero wo kwitegura umukino wa Ghana mu mpera z’iki cyumweru.

Uyu mutoza yageze mu Rwanda mu ntangiriro za 2015 asanga ikipe y’igihugu Amavubi iri ku mwanya wa 68 ku rutonde ngaruka kwezi rwa FIFA ariko ubu akaba yarayigejeje ku mwanya wa wa 121.

Mu mikino 25 uyu mutoza yakinnye atoza Amavubi yatsinzemo 11 atsindwa 12 anganya 2. Uyu mutoza yatangiye gutakarizwa icyizere ubwo yatsindwaga na Libye i Kigali mu mikino yo gushaka tike y’igikombe cy’Isi ariko nyuma aza kwigarurira icyizere ubwo yageraga ku mukino wa nyuma wa CECAFA agatsindwa na Uganda.

Nyuma uyu mutoza yaje gukina imikino ya CHAN yabereye mu Rwanda aviramo muri kimwe cya kane umusaruro utaravuzweho rumwe kuko hari abavugaga ko aho aviriyemo hahagije ariko abandi bakemeza ko hadahagije kuko yaranasezerewe na DR Congo igihugu cy’abaturanyi.

Ibintu byaje kuba bibi kuri uyu mutozwa ubwo yatsindwaga n’ibirwa Maurice igitego kimwe kubusa. tariki ya 4/6/2016 uyu mutoza yashenguye imitima y’Abanyarwanda ubwo yatsindwaga na Mozambique i Kigali ibitego 3-2 binamuviramo gutukwa n’abafana no guterwa imyanda muri sitade.


Umutoza McKinstry irukanywe

Tariki ya 3 z’ukwezi kwa cyenda Amavubi afite umukino na Ghana iwayo Kanyankora umutoza wa APR FC na Eric Nshimiyimana nibo bavugwa gusimbura McKinstry by’agateganyo gusa n’abandi nka Mashami wa Bugesera na Masudi wa Rayon Sport bagashyirwa mu majwi ko bahabwa iki kiraka.

Imikino McKinstry yakinnye yose n’uko yayitwayemo

29/03/2015 (FIFA Friendly) Zambia 2-0 Rwanda

06/06/2015 FIFA Friendly Rwanda 0-0 Kenya

07/06/2015 FIFA Friendly Rwanda 2-0 Tanzania

14/06/2015 CAF Nations Cup Qual Mozambique 0-1 Rwanda

28/08/2015 FIFA Friendly Rwanda 3-1 Ethiopia

05/09/2015 CAF Nations Cup Qual Rwanda 0-1 Ghana

12/09/2015 FIFA Friendly Rwanda 0-1 Gabon

13/11/2015 FIFA World Cup Qual Libya 1-0 Rwanda

17/11/2015 FIFA World Cup Qual Rwanda 1-3 Libya

21/11/2015 CECAFA Cup Ethiopia 0-1 Rwanda

24/11/2014 CECAFA Cup Rwanda 1-2 Tanzania

27/11/2015 CECAFA Cup Rwanda 3-0 Somalia
01/12/2015 CECAFA Cup QF Rwanda 0-0 (5-3p) Kenya

03/12/2015 CECAFA Cup SF Rwanda 1-1 (4-2p) Sudan

05/12/2015 CECAFA Cup F Uganda 1-0 Rwanda

06/01/2016 FIFA Friendly Rwanda 1-1 Cameroon

10/01/2016 FIFA Friendly Rwanda 1-0 DR Congo

16/01/2016 CAF Nations Championship Rwanda 1-0 Ivory Coast

20/01/2016 CAF Nations Championship Rwanda 2-1 Gabon

24/01/2016 CAF Nations Championship Morocco 4-1 Rwanda

30/01/2016 CAF Nations Championship QF Rwanda 1-1 (1-2et) DR Congo

26/03/2016 CAF Nations Cup Qual Mauritius 1-0 Rwanda

29/03/2016 CAF Nations Cup Qual Rwanda 5-0 Mauritius

28/05/2016 FIFA Friendly Rwanda 0-2 Senegal

04/06/2016 CAF Nations Cup Qual Rwanda 2-3 Mozambique.

Yisangize Inshuti.

Ibitekerezo

Tanga Igitekerezo