Umunyarwandakazi yahembewe guteza imbere umupira w’abagore muri Afurika

Umunyarwandakazi Rwemarika Felicite yahawe igihembo nk’umugore wateje imbere imikino y’abagore mu Rwanda. Ni igihembo yahawe na komite mpuzamahanga ya Olympique.

Iki gihembo cyabereye i Lausanne mu Busuwisi kiba ngaruka mwaka kigahabwa abakoze ibikorwa by’indashyikirwa mu buringanire n’iterambere rya siporo y’abagore.

Rwemarika iki ni igihembo yahawe nk’uwatoranyijwe ku mugabane w’Afurika, kubera uruhare yagize mu gukoresha cyane cyane siporo y’abagore by’umwihariko umupira w’amaguru, mu gukemura ibibazo abagore bo mu Rwanda bagize cyangwa bahura nabyo, ibyinshi bishingiye ku mateka ya Jenoside yakorewe Abatutsi mu Rwanda.

Igihembo nk’iki gihabwa umugore umwe kuri buri mugabane, ariko hakaba n’ikindi gitangwa ku rwego rw’isi.

Rwemarika Felicite ubusanzwe ahagarariye umupira w’abagore muri FERWAFA ndetse akaba n’umujyanama muri komite Olympique y’u Rwanda ari nawo mwanya wamuhesheje iki gihembo.

Yisangize Inshuti.

Ibitekerezo

Tanga Igitekerezo