FERWAFA yatangaje uko amakipe azahura muri 1/16 mu gikombe cy’Amahoro

Ikipe ya Polisi niyo yari yegukanye igikombe cy’amahoro cy’umwaka ushize

Ishyirahamwe ry’umupira w’amaguru mu Rwanda(FERWAFA) ryamaze gushyira ahagaragara uko amakipe azahura mu gikombe cy’Amahoro guhera muri 1/16 cy’irangiza kugeza ku mukino wa nyuma w’iri rushanwa uteganyijwe kuba tariki ya 4 Nyakanga 2016.

Uko amakipe azahura mu gikombe cy’Amahoro 2016 bigiye ahagaragara nyuma ya tombora yabereye ku cyicaro gikuru cya FERWAFA i Remera aho buri kipe iri muri iri rushanwa yari yohereje uyihagararira.

Tariki ya 18 Kamena 2016 ku ikubitiro rya 1/16 ikipe ya Police FC ifite iki gikombe niyo izafungura iri rushanwa ihura n’ikipe izatsinda hagati ya Heroes FC na Rugende Training City.
Rugende Training City na Heroes FC zizahura kuri iki cyumweru tariki ya 12 Kamena 2016 mu mukino wo kwishakamo ikipe izakomeza muri 1/16 cy’irushanwa ry’igikombe cy’Amahoro.

Amakipe nka APR Fc, Rayon Sports, AS Kigali na Mukura VS muri iki cyiciro cya 1/16 yatomboye amakipe nka United Stars, Miroplast, Vision JN na Vision FC.
Amakipe azatsinda muri 1/16 azakomeza muri 1/8 cyirangiza aho bitaganyijwe ko kizakinwa tariki ya 22 Kamena 2016.

1/2 cy’irangiza biteganyijwe ko kizakinwa iminsi ibiri tariki ya 28 Kamena na tariki ya 1 Nyakanga 2016 mu gihe umukino wa nyuma uteganyijwe kuba tariki ya 4 Nyakanga 2016.

Police FC irashaka kugumana iki gikombe mu gihe andi makipe na yo ashaka kucyegukana kuko ikipe igitwaye isohokera u Rwanda mu mikino nyafurika CAF Orange Confederation Cup.

Dore uko amakipe azahura muri 1/6 cy’irangiza tariki ya 18 Kamena 2016

1. Police Fc vs winner (Heroes vs Rugende TC
2. Rayon Sports vs Miroplast
3. Isonga vs Etoile de l’est
4. APR Fc vs United Stars
5. SC Kiyovu vs Intare Fc
6. Espoir Fc vs Gasabo Utd
7. Gicumbi Fc vs Pepiniere
8. Etincelles Fc vs Hope Fc
9. AS Kigali vs Vision JN
10. Mukura VS vs Vision Fc
11. Musanze Fc vs La Jeunesse
12. Sunrise Fc vs SEC Fc
13. Bugesera Fc vs Kirehe Fc
14. AS Muhanga vs Esperance Fc
15. Marines Fc vs Interforce Fc
16. Amagaju Fc vs Rwamagana City Fc

Yisangize Inshuti.

Ibitekerezo

Tanga Igitekerezo