Warning: imagejpeg(local/cache-vignettes/L463xH307/arton14719-897e3.jpg.tmp): failed to open stream: Disk quota exceeded in /home/makuruki/public_html/ecrire/inc/filtres_images_lib_mini.php on line 435
Uburyo mbayeho muri Sunrise ntabwo nakwifuza kuyigumamo-Kasa Mbungo .|. Makuruki.rw | Amakuru Asesenguye!

Uburyo mbayeho muri Sunrise ntabwo nakwifuza kuyigumamo-Kasa Mbungo

Umutoza w’ikipe ya Sunrise Kasa Mbungo Andrew yemeje ko atakwifuza kuguma muri Sunrise niba imibereho mibi bafite idahindutse kandi ngo abona ari cyo gihe cy’uko abayobozi bikubita agashyi.

Sunrise yatsinze Gicumbi igitego kimwe ku busa umukino wabereye I Gucimbi kuwa gatandatu tariki ya 6/5/2017.

Ngo nubwo Sunrise yatsinze ariko ntabwo umutoza wayo Kasa Mbungo yifuza kuyigumamo igihe imibereho idahindutse.

Kasa avuga ko iyi kipe idahemba abakinnyi , akavuga ko igihe cyari kigeze ngo abayobozi bikubite agashyi.

Ati :”Hari aho bigera kwihangana bikanga bikananirana. Iyo umuntu amaze amezi 3, 4 adahembwa, iyo umuntu adafite ibyangombwa bihagije, ibyo byose urumva ko hari aho bigera kwihangana bikanga ariko harageze ko habaho impinduka kugirango ikipe ibashe kwitwara neza.”

Kasa avuga ko uburyo abayeho atakwifuza kuguma muri iyi kipe gusa ngo bihindutse yahaguma.

Ati :”Iyo urebye uburyo tubayeho cyangwa se uburyo mbayeho muri Sunrise ntabwo nakwifuza kuguma muri Sunrise ariko nizera ko hashobora kuzaba impinduka , iyo mpinduka niyo ishobora gutuma nguma muri Sunrise. Urebye imirire, urebye imibereho y’abakinnyi nange ubwange ntabwo mbayeho neza ni bibi ariko nizere ko bizahinduka.”

Kasa Mbungo avuga ko ashimira cyane abakinnyi ba Sunrise kuko bagira ubwitange budasanzwe. Mu magambo ye ngo ni ubwa mbere abonye abakinnyi bamara amaze 5 badahembwa bakemera bagakomeza gukina. Gusa ngo afite icyizere ko bizahinduka kandi ngo bihindutse yahaguma kuko ikipe yayikunze.

Sunrise ubu ifitwe mu nshingano n’akarere ka Nyagatere kuva mu kwezi kwa munani umwaka ushize wa 2016. Aka karere kahawe iyi kipe ivuye mu maboko y’intara y’Uburasirazuba.

Aka karere kakiyifata byavuzwe ko igiye kubaho neza ndetse amakuru akavuga ko yagewe ingengo y’imari iri hejuru ya miliyoni 200 ndetse yahise itangira kugura abakinnyi n’abatoza bavuye muri Nigerie.

Yisangize Inshuti.

Ibitekerezo

Tanga Igitekerezo