Ubukwe bw’abakinnyi, imwe mu mpamvu ya Jimmy yo kwitwara nabi, arasaba andi makipe kwisubiraho

2

Umutoza w’ikipe ya APR FC Mulisa Jimmy aravuga ko ubukwe bwinshi mu ikipe ye ndetse n’imvune biri mu byatumye bitwara nabi ndetse arasaba n’andi makipe kwisubiraho akiga guhanganira ibikombe.

Ibi Jimmy Mulisa yabitangaje nyuma yo kunganya na AS Kigali igitego kimwe kuri kimwe, uyu mukino ariko wabaye nyuma y’uko Rayon Sports yari yamaze gutwara igikombe shampiyona ikibura imikino 4 ngo irangire.

Ntibyari bisanzwe ko Rayon Sports yatwara igikombe irusha umukeba wayo APR FC amanota menshi ndetse hagisigaye imikino myinshi.

Ibi bisobanuye ko APR FC yitwaye nabi umutoza wayo Jimmy Mulisa avuga ko imvune ndetse n’ubukwe bw’abakinnyi biri mu byatumye bitwara nabi.

Ati :”Aya mezi maze nageregeje kuberaka ukuntu nshaka ko dukina ariko hari bamwe batangiye kubimenya ariko hari ibibazo nagiye ngira nk’ibyo byo gukora ububwe. Buriya ubukwe hari ukuntu butuma ikipe idakomeza umurongo ugasanga umukinnyi agiye gukora ubukwe ariwe ubanza mu kibuga. Ikindi harimo imvune twagiye tugira imvune z’abakinnyi bafite ubushobozi ariko nabonye ikibazo twagize ari imbere ku busatirizi imikino yose twakinnye twagendaga tubona amahirwe ariko ntitubone ibitego.”

Abakinnyi 4 ba APR FC bakoze ubukwe muri shampiyona hagati barimo Nshimiyimana Imran, Rugwiro Herve, Buteera Andrew, Habyarimana Innocent na Sibomana Patrick uri mu misni yabwo.

Umutoza Jimmy ariko anavuga ko n’andi makipe ntacyo yabafashije ngo ahangane na Rayon Sports anayasaba kwisubiraho akaza nayo afite intego yo guhanganira igikombe cya shampiyona.

Ati :”Navuga ko nitwebwe twahaye Rayon Sports igikombe ariko n’andi makipe rero hari igihe mba numva ngo Rayon Sports na APR nizo ziba zishaka igikombe zonyine ariko n’andi makipe nayo agomba kugira intego yo gutwara igikombe akenshi njya n’umva andi makipe aza ashaka umwanya wa kabiri ,umwanya wa gatatu ariko amakipe yose akwiye kureba ukuntu aza shaka igikombe.”

Umutoza Eric Nshimiyimana utoza AS Kigali we uyu mukino urangiye yashimiye Rayon Sports avuga ko yakoze neza kandi ko yatwaye igikombe igikwiye gusa avuga ko ikibazo cy’amikoro macye ari mu bituma amakipe yo murwanda agorwa cyane no kwiyubaka ngo yitware neza ahanganire ibikombe.

Yisangize Inshuti.

Ibitekerezo 2

  1. Wowe murisa shakira ahand igikombe wagihaye nde umwanya wabonye nibwo bishobozi harya bwawe indi kipe watoje byibuze
    Iba iya kabiri ni iyihe ikindi gikombe watwaye ni ikihe ubundi wagombaga guhera mubana ukabona kuba umutoza abubwo shimira abakinnyi bawe umwanya baguhesheje rayon sport yaragikoreye nta gitinyiro ufite
    Nkumutoza nagombaga gukora ibyo bishakiye babona uri umwana nkabo nakugira inama yo kumanuka mucyiciro cya kabiri ukareba ikipe wazamura umabona kugaragara nkumutoza

Tanga Igitekerezo