"Tubyemere umunsi mubi ubaho, ni uyu munsi rero" Masudi nyuma yo kunyagirwa na APR FC

4

Umutoza w’ikipe ya Rayon Sports Masudi Djuma nyuma yo kunyagirwa ibitego 3 ku busa na APR FC yemeye ko ikipe bose hamwe bakoze amakosa kandi ko ari umunsi mubi bagize

Kuri uyu wa Kane Rayon Sports yatsinzwe na APR FC ibitego bitatu ku busa inayirusha mu gihe hari hashize imikino itatu APR FC itabasha kwinjiza igitego mu izamu rya Rayon Sports.

Umutoza Masudi waherukaga gutsinda APR FC ku mukino wa nyuma w’igikombe cy’Amahoro avuga ko byatewe n’amakosa bakoze ariko kandi ngo banemere ko ari umunsi mubi.

Ati:”Twatsinzwe rero kubera iki se natonganya umukinnyi ahubwo ni ukureba ibiri imbere n’ubwo twatsinzwe abakunzi ba Rayon badakunda gutsindwa na APR ariko mu mupira ni uko. Ni amakosa twakoze ntabwo twakinnye tubyemere, umunsi mubi ubaho ni uno munsi rero”

Abakinnyi bakina ku mpande mu b’inyuma ba Rayon Sports aho bakunze kwita kuri 3 na 2 nibo bashyizwe mu bajwi ko batitwaye neza abo ni Irambona Eric na Ishimwe Zappy gusa Masudi we siko abibona ariko kandi ngo iyi ntsinzwi ibasigiye umukoro.

Ati "Ahubwo biduhaye imbaraga zo kubona ko bya bindi twakoze umwaka ushize byararangiye. Ni ngombwa ko dutegura ikipe neza . Ntabwo ari gatatu na kabiri sibo bonyine bari bari gukina ni ikipe yose ni twese twakoze amakosa. Na Emmanuel yaje ava mu cyaro atabizi n’abandi bazabimenya”


Masudi Djuma aganira n’abakinnyi nyuma y’umukino batsinzwemo

Abajijwe niba aticuza impamvu yabanje Manzi Thierry na Djabel ku ntebe y’abasimbura Masudi yagize ati "Mu buzima bwange sinjya nicuza nkora ibintu mbishaka kandi nabyipangiye “

Masudi yavuze ko uyu mukino wamweretse ibyo agomba gukosora ku bakinnyi be kandi n’abakinnyi babonye intege nkeya zabo bityo basabwa gushyiramo imbaraga.

Yisangize Inshuti.

Ibitekerezo 4

  1. MASUDI we ntakundi ubwo wabonye ayomakosa twizeyeko uzayakosora byari kumbabaza ari shampiyona courage MASUDI wacu!

Tanga Igitekerezo