Sinzi impamvu gukomera Rayon Sports amashyi byabaye ikibazo -Jimmy Mulisa

7

Umutoza w’ikipe ya APR FC Jimmy Mulisa yongeye gushimgangira ko gukomera amashyi Rayon Sports bidakwiye guteza ikibazo ngo kuko abona kubikora bidateye ikibazo.

Kuri iki Cyumweru nibwo mu Rwanda hateganyijwe umukino ukomeye ugomba guhuza ikipe ya APR FC izasura Rayon Sports. Uyu mukino uzaba n’ubundi Rayon Sports yaramaze gutwara igikombe.

Uyu mukino kugeza ubu ntuvugwaho rumwe aho uzabera, FERWAFA ivuga ko umukino uzabera kuri sitade ya Kigali I Nyamirambo. Ibi ariko Rayon Sports ntibikozwa kuko yo ivuga Minisiteri ifite imikino mu nshingano zayo yayemereye stade Amahoro.

Ku ruhande rwa APR FC ari nayo izasura ngo ntizi aho izakinira nk’uko umutoza Jimmy Mulisa abivuga gusa ngo bo biteguye gukinira aho bazabashyira hose.

Ati :”Jye simbizi ubwo ni ugutegereza bazatubwira aho tuzakinira. Nigeze kubaza bambwira ko Amahoro ngo sinzi uko bimeze ariko twebwe turiteguye aho bazatubwira niho tuzakinira.”

Umutoza Jimmy Mulisa kandi yagarutse ku kibazo cyateje amagambo menshi muri iyi minsi cyo gukomera amashyi ikipe ya Rayon Sports yamaze gutwara igikombe.

Umuvugizi w’abafana ba APR FC Emile yavuze ko Mulisa na Kalisa Adolphe Camarade umunyamabanga wa APR FC aribo bakwiye gukomera amashyi Rayon Sports kuko aribo batumye APR FC yitwara nabi.

Emile yavuze ko abakinnyi n’abafana ba APR FC batakomera amashyi ikipe ya Rayon Sports ngo itagira aho iba ngo kuko n’amakinnyi nibasinyishiriza mu kabari.

Ibi ariko Jimmy Mulisa siko abibona. Yashimangiye ko gukomera amashyi Rayon Sports bazabikora ngo kuko nta kibazo biteye.

Ati :”Sinzi impamvu byabaye ikibazo gikomeye. Ngirango urebye no hanze ikipe yatwaye igikombe bayikomera amashyi , ubwo abafana nabo bafite uko babyumva. Umupira ntabwo ari intambara ni ukwishimisha, hakwiye kubaho koroherana”

Imikino yose iteganyijwe kuri uyu munsi wa 29 wa shampiyona

Musanze Fc vs Mukura VS (Musanze, 15h30)

Sunrise Fc vs Espoir Fc (Nyagatare, 15h30)

Kirehe Fc vs Gicumbi Fc (Kirehe, 15h30)

Marines Fc vs SC Kiyovu (Stade Umuganda, 15h30)

AS Kigali vs Police Fc (Stade de Kigali, 15h30)

Pepinieres Fc vs Amagaju Fc (Ruyenzi Grounds, 15h30)

KU CYUMWRU 29/5/2017

Etincelles Fc vs Bugesera Fc (Stade Umuganda, 15h30)

Rayon Sports Fc vs APR Fc (Stade de Kigali, 15h30)

Abakinnyi batemerewe gukina kuri uyu munsi

1. Rutayisire Egide (Gicumbi Fc)

2. Bishira Latifah (AS Kigali)

3. Ndihabwe David (Bugesera Fc)

4. Mugenzi Cedrique (Etincelles Fc)

5. Simpenzwe Hamidu (Mukura VS)

6. Janvier Benedata (APR Fc)

7. Mbaraga Jimmy (Marines Fc)

8. Buregeya Rodrigue (Amagaju Fc)

9. Ngirimana Alexis (SC Kiyovu)

Yisangize Inshuti.

Ibitekerezo 7

  1. Andika Igitekerezo Hano Ibinibyo bigaragaza umuntu ukora umwuga azi kukoyabanje kunyura muruyumwuga niyompamvu atahwana numuntu uvugagusa abona ibintu byikora ariko ntamenye ukobikorwa.

Tanga Igitekerezo