Shampiyona umunsi wa kane usize Rayon Sports iyoboye,APR yaratsikiye

4

Ikipe ya Rayon Sports yafashe umwanya wa mbere nyuma yo gutsinda Marines ibitego bitatu na ho Sunrise yari iri imbere ikanganya na Pepiniers, APR FC yo yaratsikiye nyuma yo kunganya na Musanze.

Police FC ni yo yabimburiye izindi kuri uyu munsi wa kane itsinda Gicumbi ibitego 2 ku busa, ibintu byatumye ifata umwanya wa gatatu n’amanota 9.

Imwe mu mikino yari ikomeye harimo uwahuje Rayon Sports na Marines. Ubusanzwe Marines ikunda kugora ikipe ya Rayon Sports ariko kuri iyi nshuro si ko byagenze kuko Rayon Sports yayitsinze ibitego 3 ku busa.

Ibi bitego byatsinzwe na Kwizera Pierrot watsinze 2 na ho Mousa Camara atsinda icya gatatu. Iyi ntsinzi yatumye Rayon Sports ifata umwanya wa mbere n’amanota 10.

Kuri uyu munsi mukeba wa Rayon Sports (APR FC) ntiyahiriwe n’urugendo kuko yo yanganyije na Musanze FC ubusa ku busa. APR FC kandi muri uyu mukino yongeye kuvunikisha undi mu kinnyi mu buryo bukomeye kuko Itangishaka Blaise yavunitse akaguru imvune ndetse ishobora no kumara igihe kinini.

Sunrise yari ifite umwanya wa mbere, mbere y’umunsi wa kane, kuri iki cyumweru yanganyije na Pepiniere igitego kimwe kuri kimwe ndetse ihita inatakaza umwanya wa mbere iwukuweho na Rayon Sports.

Indi mikino ikomeye yabaye Mukura VS yatsinze Kiyovu Sports ibitego 2 kuri kimwe.

Imikino yose uko yarangiye kuri uyu munsi wa kane

Police FC 2-0 Gicumbi
Mukura VS 2-1 SC Kiyovu
Kirehe Fc 2-1 Etincelles Fc
Musanze Fc 0-0 APR Fc
Espoir Fc 1-1 Amagaju Fc
Marines Fc 0-3 Rayon Sports
AS Kigali 0-0 Bugesera Fc
Pepiniere 1-1 Sunrize FC

Uko amakipe yose akurikirana ku rutonde ruyobowe na Rayon Sports

Yisangize Inshuti.

Ibitekerezo 4

  1. Andika Igitekerezo Hanani Twebwe nkabafana ba APR FR ibibiratubabaza cyanee?ikipe nka Apr izakumwanya 5 Bitewe nikikoko biratubabaza nkabafana,?

  2. ariko wirenganya umwanditsi kuko APR FC yavuye ku mwanya wa 3 igera kuwa 5, naho Sunrize iva ku mwanya wa 1 igera ku mwanya wa 2 ubwotse iyatakaje imyanya myinshi si mbona ari APR? ikindi kandi APR ni ikipe nkuru iba itegerejweho gutsinda simbona impamvu uyigereranya na Sunrize kuko yo no kuba iri hariya yaratunguranye.

Tanga Igitekerezo