Shampiyona Rayon Sports na APR FC zerekeje mu ntara, Sunrize iri gukubana no kuzanikira

11

Guhera kuri uyu wa gatanu tariki ya 4/11/2016 kugeza 6/11/2016 shampiyona cy’icyiciro cya mbere cy’umupira w’amaguru mu Rwanda irakomeza ku munsi wa kane, Rayon Sports yerekeza I Rubavu naho APR FC ijye I Musanze mu gihe Sunrize ikina na Pepiniers ishaka uko yakomeza gusiga ibi bigugu biyikurikiye.

Umukino ufungura uyu munsi wa gatatu uraba kuri uyu wa kane uhuze Police FC izakwakira Gicumbi FC kuri sitade ya Kicukiro. Police FC yatangiye nabi shampiyona itsindwa na Rayon Sports ibitego 3 ku busa ariko nyuma yisubiraho itsinda Bugesera FC ndetse n’amagaju biyihesha kugira amanota 6.

Gicumbi nayo yatangiye itsindwa na Etincelles ibitego 3 kuri 2 ariko nyuma iza kwihererana amakipe y’ibigugu nka arimo APR FC banganyirije I Kigali ndetse na Kiyovu Sports yanyagiye ibitego 4 kuri kimwe.

Indi mikino ikomeye iraba kuri uyu wa gatandatu tariki ya 5/11/2016 APR FC izaba yagiye gusura ikipe ya Musanze umukino uzabera I Nyakinama, APR FC ifite amanota arindwi ubu irarwana no gusiga mukeba Rayon Sports banganya amanota 7 ariko kandi iranashaka gufata umwanya wa mbere ubu ufitwe na Sunrize.

Musanze FC ubu nayo ihagaze neza kuko iheritse gutsinda Etincelles nyuma yo gutsinda na Pepiniere FC. Iyi kipe itozwa na Sostene afatanyije na Katawuti abatoza bombi bubatse amazina mu ikipe ya Rayon Sports mukeba wa APR FC.

Rayon Sports nayo kuri uyu wa gatandatu irajya gusura Marines I Rubavu ikipe ihora iyigora iteka, ikipe kandi inafatwa nka murimuna wa APR FC ihora ihanganye na APR FC. Marines izwiho kugora cyane amakipe aba ahanganye na APR FC cyane ko zose zihuriye kukuba ari ikipe z’ingabo z’igihugu.

Rayon Sports ubu ni iya kabiri ifite amanota 7 naho Marines FC ikaba ku mwanya wa 14 n’inota rimwe n’umwenda w’ibitego 6.
Sunrize ubu iyo ya mbere ku cyumweru izaba ikina na Pepiniere FC ku Ruyenzi, Sunrize imaze kugaragaza ko ifite ingufu nyinshi izaba ishaka kugumana umwamya wa mbere kuko idatsinze Rayon Sports na APR FC iyatsinda yahita iyicaho.

Imikino yose uko iteganyijwe ku munsi wa kane wa shampiyona

Kuwa gatanu tariki ya 4/11/2016

Police Fc vs Gicumbi Fc (Kicukiro, 15:30)

Kuwa gatandatu 5/11/2016

Mukura VS SC Kiyovu(Huye 15:30)
Kirehe FC vs Etincelles FC (Kirehe 15:30)
Musanze VS APR FC(Nyakinama 15:30)
Espoir FC vs Amagaju FC (Rusizi 15:30)
Marines VS Rayon Sports(Umuganda 15:30)
AS Kigali VS Bugesera FC( stade de Kigali 15:30)
Pepinieres VS Sunrize FC( Ruyenzi 15:30)

Yisangize Inshuti.

Ibitekerezo 11

  1. 1 | 2

Tanga Igitekerezo