Rwigema nta mbabazi asaba, FERWAFA yemeye ko ariyo yategetse APR FC ibyo yakoze

7

Rwigema Yves wamaze kwemererwa gukinira ikipe ya Rayon Sports yashimiye abamufashije kubona ibyangombwa, anavuga ko yashakaga kujya ahantu akina atuje gusa ngo nta mbabazi asaba kuko FERWAFA yemeye ko ariyo yatanze itegeko kuri APR ryo gutanga ibyangombwa bya Yves na mugenzi we Nova Bayama.

APR FC yari yauze ko aba bakinnyi ari abayo bayikuriyemo batemerewe kujya muri Rayon Sports ngo keretse baguzwe miliyoni 5 buri umwe. Aba basore bo bavugaga ko nta masezerano bafitanye na APR FC.

Kuri uyu wa Kane nibwo FERWAFA yicaje aya makipe yombi bagirana ibiganiro maze APR FC yemera gutanga impapuro zemerera aba bakinnyi kujya muri Rayon Sports.

Rayon Sports nayo yategetswe gutanga ibihumbi 500 by’indezo kuri buri umwe n’ubwo APR FC yo yari yanze kuzitanga idahawe miliyoni 5 buri umwe yasabaga.

Ibicishije ku rubuga rwayo, FERWAFA yemeje ko ariyo yategetse APR FC gutanga ibi byangombwa dore ko Rayon Sports yari yanze gutangira shampiyona idahawe ibyangombwa by’aba bakinnyi .

Iti "FERWAFA yategetse APR FC gutanga ibyangombwa kuri aba bakinnyi bombi(Nova na Yves) bakajya muri Rayon Sports kuri miliyoni imwe y’amafaranga y’u Rwanda bose.”

Umwe muri aba bakinnyi Rwigema Yves abicishije ku rukuta rwe rwa Facebook yavuze ko ashimira umuntu wese wamufashije kubona ibyangombwa kuko yashakaga gukina ahantu umutima we wifuza.

Ku rundi ruhande avuga ko ashimira APR FC mu rugendo rurerure bagiranye ariko ngo nta muntu n’umwe asaba imbabazi.

Ati:”Mfashe umwanya nshimira umuntu wese wambaye hafi ikibazo cyanjye akagikurikirana nkabona ibyangombwa nk’umukinnyi wa Rayon sport . Nshimira cyane abakinnyi ba APR twabanye neza nshimira n’abayobozi ba APR kandi ntirengangije ko bamfashije byinshi mu gihe twabanye imyaka itari mike kuva muri academy(ishuri rya APR FC ryigisha ruhago).

Rwari urugendo rurerure birumvikana ko mu rugendo rurerure habamo ibyiza n’ibibi. Mu by’ukuri umutima niwo uyobora umuntu iyo utishimye cyangwa ngo utuze ntacyo wageraho mu kazi kose wakora, niyo mpamvu nahisemo kujya aho nabonaga umutima wanjye wishimiye kandi utuje bituma mpindura ikipe ,,,simbyanditse ngira uwo nsaba imbabazi kuko sinakosheje cyangwa n’ikindi buri wese yatekereza ahubwo nuko no gushimira ari umuco mwiza,,,murakoze”

Umutoza Masudi yavuze ko Rwigema ari umukinnyi mwiza kandi uzamufasha ku ruhande rw’inyuma iburyo, aba basore bombi bagiye muri Rayon Sports mu gihe nayo yatakaje umwe mu bakinnyi bitwaye neza muri shampiyona ishize Imanishimwe Emmanuel wegukanywe na APR FC itanze miliyoni 3 n’ibihumbi 200(3200000frw).

Yisangize Inshuti.

Ibitekerezo 7

  1. Ariko wamwana we ko nkekako ibakuraje ishinga arugukina umupira ibindi wabyihoreye,uburenganzira bwogukina aho ushaka ni ubwaburiwese kandi ntawbwimwe.

  2. Ariko wamwana we ko nkekako ibakuraje ishinga arugukina umupira ibindi wabyihoreye,uburenganzira bwogukina aho ushaka ni ubwaburiwese kandi ntawbwimwe.

  3. Kare kose kuki ferwafa itajya ikemura ibibazo hatabaye gusunikaaaa!Mbona ariyo ituma umupira wo mu rwanda utarenga umutaru

Tanga Igitekerezo