Rayon iturusha amanota menshi nibyo si ukubeshya ariko hari ikindi gikombe: Jimmy Mulisa

2

Umutoza wa APR FC aravuga ko bagiye gushyira ingufu nyinshi mu gikombe cy’Amahoro ngo kuko shampiyona Rayon Sports ibarusha amanota menshi batayishyikira.

Kuri uyu wa Gatatu ikipe ya APR FC irajya I Nyagatare gukina n’ikipe ya Sunrise mu gikombe cy’Amahoro mu mukino ubanza wa kimwe cy’umunani.

Umutoza Jimmy Mulisa arangiza imyitozo ya nyuma yo kwitegura uyu mukino yavuze ko imyitozo imeze neza n’abakinnyi bameze neza.

Ati :”Imyitozo yagenze neza abakinnyi banjye bameze neza urabona ko morale irahari turiteguye neza tuzajyayo turebe uko twakwitwara neza Nyagatare.”

Uyu mutoza avuga ko ikipe ya Rayon Sports aribyo ibarusha amanota menshi bityo amahirwe yo gutwara igikombe cya shampiyona yayoyotse. Mulisa ariko avuga ko hari ikindi gikombe aricyo iki cy’Amahoro ngo bagiye gushyiramo ingufu nyinshi.

Ati :”Abafana barebe uko bakomeza gufana ikipe yabo bamaze iminsi babibona ko abakinnyi bameze neza, abakinnyi nabo barababaye kuko nk’uko ubivuze igikombe cya shampiyona amahirwe ni macyeya ariko nyine ni ukureba uko twarangiza neza. Rayon iturusha amanota menshi ibyo nibyo ntabwo ari ukubeshya ariko hari ikindi gikombe, igikombe cy’Amahoro n’ukureba uko twakoresha imbaraga tukitwara neza.”

Uko imikino y’ibanza ya 1/8 iteganyijwe mu gikombe cy’mahoro

10/5/2017
Sunrise Fc vs APR Fc (Nyagatare, 15:30)
Mukura VS vs AS Kigali (Huye, 15:30)
Marines Fc vs SC Kiyovu (Umuganda, 15:30)
AS Muhanga vs Bugesera Fc (Muhanga, 15:30)
La Jeunesse vs Amagaju Fc (Mumena, 15:30)
Police Fc vs Gicumbi Fc (Kicukiro, 15:30)
11/5/2017
Etincelles Fc vs Espoir Fc (Umuganda, 15:30)

Yisangize Inshuti.

Ibitekerezo 2

Tanga Igitekerezo