Rayon Sports yatsinze AS Kigali 2-0 hashaka kuba imvururu nk’iza 2014

2

Umukino wahuzaga Rayon Sports na AS Kigali warangiye ku ntsinzi ya Rayon Sports y’ibitego bibiri ku busa byabonetse mu minota ya nyuma bihesha Rayon Sports amanota atatu, gusa umukino usozwa n’amahane.

Uyu mukino watangiranye ingufu nk’ibisanzwe iyo aya makipe yahuye, abakinnyi ba Pierrot na Shassir bagerageje amashoti mu izamu rya AS Kigali ryari ririzwe na Ndoli Jean Claude ariko amahirwe y’igitego akomeza kubura.

Nshuti Dominique Xavio na Manishimwe Djabel nabo bagoye cyane ba myugariro ba AS Kigali ariko bakomeza kuba maso barinda izamu ryabo neza.

Ku munota wa 23 ariko AS Kigali nayo yahushije igitego kiri koruneri ariko Rodriguez ateye umupira n’umutwe umupira ujya hanze.

Rayon Sports yakomeje gusatira izamu rya AS Kigali ku munota wa 40 Kwizera Pierrot yateye ishoti rikomeye mu izamu ariko umupira uca hanze gati y’igigiti cy’izamu.


Wari umukino w’ingufu nyinshi

Igice cya mbere cyarangiye amakipe yombi anganya ubusa ku busa, igice cya kabiri cyatangiye amakipe yombi agifite inyota y’ibitego asatirana cyane AS Kigali yinjijemo rutahizamu Mubumbyi Bernabe naho Tuyisenge Pekeyake avamo .

Rayon Sports nayo n’ubwo itakoze impinduka ariko yakomeje gusatira ishaka ibitego ariko amahirwe akomeza kubura. Rutahizamu Mousa Camara na bagenzi be bakomeje gukora uburyo bwabyara ibitego ariko biranga birabura.

Amahirwe ya Rayon Sports yategereje ku munota wa 42 maze Kwizera Pierrot atera ishoti rikomeye mu izamu igitego cya mbere cya Rayon Sports kirinjira . Ntibyatinze ku munota wa 45 w’umukino Nahimana Shassir yinjije igitego cya kabiri.



Pierrot na Shassir nibo batsindiye Rayon Sports Rayon Sports ibitego

Nyuma y’igitego cya mbere abakinnyi ba AS Kigali barimo Ndoli bateje imvuru n’amahane bashaka gusagarira umusifuzi kuko bo bavugaga ko iki gitego gitsinzwe kandi umunyezamu Ndoli yakorewe ikosa.

Mu mwaka wa 2014 nabwo aya makipe yakinnye umukino warangiye nganya ubusa ku busa nabwo haba imvururu zanaviriyemo bamwe mu bayobozi n’abafana ba Rayon Sports gufungwa no guhagarikwa na FERWAFA ariko kandi n’umutoza Luc Elmael arahagarikwa hamwe n’uwari rutahizamu we Hamis Cedric.

Umukino wahise urangira ku ntsinzi ya Rayon Sports y’ibitego bibiri ku busa bwa AS Kigali, Rayon Sports ubu igize amanota 7 n’ibitego 5 izigamye.


Pierrot nyuma yo gutsinda igitego yishimana na bagenzi be



Nyuma y’igitego cya mbere abakinnyi ba AS Kigali barangajwe imbere na Ndoli bagaragaje kutishimira uburyo gitsinzwe.

Yisangize Inshuti.

Ibitekerezo 2

Tanga Igitekerezo