Rayon Sports yatangiye imyitozo n’abakinnyi bashya n’umutoza batari biteze

Kuri uyu wa gatatu tariki 17 Kanama2016 ikipe ya Rayon Sport ni bwo yatangiye imyitozo yitegura amarushanwa yo mu mwaka utaha w’imikino’ gusa bitunguranye ikipe ya Rayon Sport ikaba yatangiranye n’abakinnyi bashya batari bitezwe ndetse n’umutoza mushya

Mu bakinnyi bashya bagaragaye mu myitozo y’iyi kipe yambara ubururu n’umweru harimo Umurundi Nahimana Shasir wakinaga mu ikipe ya Vitalo umwe mu bakinnyi bitezwe cyane kuko yavuye i Burundi agaragaje ko ari umukinnyi w’umuhanga.


Rayon Sport yatangiye imyitozo kuri uyu wa gatatu

Abandi bakinnyi batunguranye bagaragara mu myitozo ya Rayon Sport ni Nova Bayama, umusore wakuriye mu ishuri rya ruhago rya APR warumaze iminsi akinira Mukura. Bayama ni umusore ukina imbere aca ku mpande nawe akaba yamaze gusinya umwaka umwe muri Rayon Sport nk’uko umuyobozi wabo yabivuze.

Senyange Ivan nawe ni umukinnyi mushya wagaragaye mu myitozo ya Rayon Sport ndetse akaba yanamaze kuyisinyira akaba yitezweho gusimbura Imanishimwe Emmanuel werekeje muri APR FC.

Mu bandi bakinnyi bashya bagaragaye harimo Ishimwe Zappy wavuye muri Sunrize ndetse na Romami Frank wavuye muri Musanze FC.


Nahimana Shasir yakoze imyitozo yambaye imyenda y’u Burundi y’umutuku

Nshimiyimana Maurice uzwi ku izina rya Maso nawe yagaragaye mu myitozo ya Rayon Sport nk’umutoza wungirije nyuma yo kuvugwa ko azatoza Gicumbi ariko bikaza kurangira yiyiziye muri Rayon Sport kungiriza Masudi Djuma, Lomami Marcel we akazaba ari umutoza wo kongera ingufu mu bakinnyi.


Senyange Ivan nawe ari mu bandi bakinnyi bashya bagaragaye mu myitozo

Abakinnyi nka Ismaila Diarra, Kwizera Pierrot, Ndayishimiye Eric Bakame na Rwatubyaye Abdul waguzwe avuye muri APR Fc nibo batagaragaye mu myitozo ya mbere y’ikipe ya Rayon Sport.

Yisangize Inshuti.

Ibitekerezo

Tanga Igitekerezo