RRA VC yakuye isomo mu gusuzugura ikipe ya St Aloys -Umutoza Masumbuko

Umutoza wa RRA VC aravuga ko ikipe ye yakuye isomo mu gusuzugura ikipe ya St Aloys iherutse kuyitsinda mu mikino ya Shampiyona ya Volley Ball mu bagore mu mpera z’icyumweru gishize akavuga ko ari ikosa batazongera gukora.

Ikipe ya RRA VC isanzwe izwiho ubukaka no kuba indashyikirwa yakozwe mu jisho n’ikipe y’i Rwamagana St Aloys aho umukino bakinnye ku cyumweru St Aloys yabashije kuwutsinda kuri seti 3 kuri 2 za RRA VC.

Ni umukino wabayemo guhangana cyane ku mpande zombi ariko bigaragara ko abakobwa ba RRA VC basaga n’aho batari bawurambirijeho cyane mbese basa n’abasuzuguye ikipe y’i Rwamagana, kuko ku mukino wagombaga gukurikira bagombaga guhangana na mukeba wabo APR VC, bafata nk’aho ari we ukomeye. Uko gusuzugira ikipe ya St Aloys nibyo byabaviriyemo gutsindwa.

Umutoza wa RRA VC Masumbuko Jean de Dieu avuga ko abakinnyi be yari yabasabye kutagira umukino n’umwe basuzugura ko ahubwo match iyo ari yo yose bafite bagomba kuyikina nk’abahanganye na mukeba.

Masumbuko yagize ati: “Badutsinze set 3-2 kubera ko abakinnyi bishyizemo ko ikipe yoroshye basanzwe bayitsinda ariko umukino urangiye yabigaranzuye. Biduhaye isomo ubutaha ntabwo ikosa ryo gusuzugura ikipe abakinnyi banjye bazaryongera”


Abakinnyi ba RRA banenzwe gusuzugura ikipe ya St Aloys

Nyuma yo gukina na St Aloys, RRA VC yagombaga guhura na APR VC ari na yo yasaga n’aho yaje yiteguye guhangana na yo nka mukeba. APR VC yari imaze yitegereza imikinire ya RRA VC ireba n’uko igomba kwitwara kugira ngo ibone niba na yo yakwigondera iki gihangange kimaze kwandika izina muri shampiyona yo mu Rwanda mu mukino wa Volley ball mu bagore.

Bidatinze umukino waratangiye biza kugaragara ko RRA VC koko ihagaze neza ko ndetse APR VC bizayitwara ikindi gihe cyo kwitegura kugira ngo ibashe guhangamura RRA VC.

Umukino warangiye RRA VC itsinze APR VC set 3-0 (25-17; 25-18; 25-21). RRA niyo yicaye ku mwanya wa mbere ku rutonde rw’agateganyo kugeza ubu muri shampiyona ikurikiwe na APR VC.

Umutoza wa RRA VC Masumbuko Jean de Dieu avuga ko ikipe ye yiteguye kujya mu mikino nyafurika y’amakipe yabaye aya mbere iwayo, nyuma yo kwanikira muri shampiyona umwaka ushize andi makipe y’abagore mu Rwanda.


Nyuma yo gutsindwa na St Aloys, RRA nayo yihanangirije APR VC

Iyi mikino nyafurika iteganijwe kubera muri tuniziya muri mata 2017. Umwaka ushize imikino nk’iyi nabwo RRA VC yari yahagarariye u Rwanda mu mikino yabereye na none muri Tuniziya itahana umw

Yisangize Inshuti.

Ibitekerezo

Tanga Igitekerezo