Pierrot aravuga ikibura ngo bamanike igikombe, vuba aha kandi ngo arerekeza I Burayi

2

Umukinnyi ukina hagati mu ikipe ya Rayon Sports Kwizera Pierrot aravuga ko bataratwara igikombe ahubwo ngo bihaye gahunda yo gutsinda imikino ibiri bakamenya niba bagitwaye cyangwa batagitwaye ariko kandi ngo anategereje ijambo ry’abayobozi ngo agende i Burayi.

Rayon Sports yaraye itsinze Gicumbi ibitego 6 kuri 1 byatumye ikomeza kwanikira amakipe ayikurikiye arimo na APR FC basanzwe bahangana.

Kugeza ubu Rayon Sports irusha APR FC manota 10 kuko ifite amanota 61 naho APR FC ikagira 51, Rayon Sports ariko kandi inazigamye umukino w’ikirarane itarakina bivuze ko iwutsinze yashyiramo intera y’amanota 13.

Kwizera Pierrot kabuhariwe muri iyi kipe yavuze ko bihaye gahunda yo gutsinda imikino ibiri bakamenya niba batwaye igikombe cya shampiyona.

Ati :”Oya ntabwo turagitwara dufite gahunda yo gutsinda imikino ibiri nibwo tuzavuga ngo twagitwaye cyangwa nitwagitwaye.”

Iyi shampiyona irabura imikino itanu gusa ngo irangire, bivuze ko Rayon Sports nitsinda imikino ibiri izaba irusha APR FC manota 10 kandi hasigaye imikino 3 y’amanota 9, ibi bivuze ko niyo Rayon Sports yatsindwa imikino izaba isigaje APR FC igatsinda itayishyikira.

Kwizera Pierrot ategereje ijambo ry’ubuyobozi ngo yerekeza i Burayi

Uyu mukinnyi yavuzweho ko agomba kujya ku mugabane w’Uburayi gukora igeragezwa mu ikipe ya Genk we na mugenzi we Nshuti Savio Dominique. Pierrot avuga ko bategereje icyemezo cy’ubuyobozi ndetse n’icy’umuhagarariye( Agent).

Ati :”Ndacyategereje icyemezo cy’abayobozi n’icyemezo cya agent(umuhagarariye) ari Iburayi “

Pierrot avuga ko umu agent uzamujyana i Burayi atari uwari ugiye kumujyana muri Aziya ngo kuko uzamujyana i Burayi ari naho aba.

Kwizera Peirrot na Nshuti Dominique Savio ni bamwe mu bakinnyi Rayon Sports igenderaho ariko ikaba ifite amahirwe macyeya yo kubagumana kuko bashakishwa n’amakipe menshi yo hanze ku mugabane w’Uburayi, Aziya ndetse na Afurika mu bihugu byateye imbere mu mupira w’amaguru.

Yisangize Inshuti.

Ibitekerezo 2

  1. izabikora Rayon uri ikipe
    yabanyarwanda haho abo bakinnyi batere imbere kakure

  2. Congts . kuri Rayon no kuri abo basore bacu bitegura kugenda. Ubuyobozi nibubafashe bagende vuba kandi neza, kuko baradushimishije cyane.
    nta kindi twabahemba uretse kubasabira guhirwa no gukomeza gutera imbere.
    Imana ibibafashemo.

Tanga Igitekerezo