Perezida Kagame yashimye intsinzi ya Ndayisenga Valens watwaye Tour du Rwanda

1

Umukuru w’igihugu Perezida Paul Kagame nawe yagaragaje ko yinshimiye intsinzi ya Valens Ndayisenga wegukanye Tour du Rwanda ya 2016.

Abicishije kuri Twitter, Perezida Kagame yashimiye cyane uyu musore utwaye iri rushanwa ku nshuro ya kabiri.

Perezida Kagame yagize ati " Ndagushimiye Valens Ndayisenga watsinze Tour du Rwanda ya 2016 n’abandi bakinnyi bose mwarakoze ndetse n’abanyarwanda mwese mwaje kureba iri siganwa.”

Si ubwa mbere Perezida Kagame agaragaza akanyamuneza k’intsinzi y’abakinnyi b’amagare mu Rwanda kuko kuva mu mwaka wa 2014 ashimira abakinnyi b’u Rwanda gutwara iri rushanwa.


Perezida Kagame ubwo yakiraga abakinnyi b’u Rwanda bari bamaze gutwara Tour du Rwanda muri 2014.

Mu mwaka wa 2014 ubwo Ndayisenga Valens yaryekukanaga bwa mbere ari nawe munyarwanda wari uritwaye bwa mbere kuva ryaba mpuzamahanga, Perezida Kagame yahise abakira arabashimira by’umwihariko ndetse anabaha impano y’amagare meza yanabafashije kwisubiza iri rushanwa umwaka wakurikiyeho wa 2015 ubwo ryatwarwaga na Nsengimana Jean Bosco.

Yisangize Inshuti.

Ibitekerezo 1

Tanga Igitekerezo