APR FC na Rayon Sports ku mukino wa nyuma w’igikombe cy’Amahoro

8

APR FC na Rayon Sports zizahurira ku mukino wa nyuma w’igikombe cy’Amahoro nyuma y’uko APR FC isezereye Espoir FC na Rayon Sports isezerera AS Kigali mu mikino yo kwishyura ya 1/2 kirangiza.

Imikino ibanza yahuje aya makipe yari yayinganyije, aho Rayon Sports na AS Kigali bari baguyev miswi ku gitego 1-1 naho APR FC yari yanganyije na Espoir 0-0.

Umukino wo kwishyura wahuje APR FC na Espoir warangiye APR FC itsinze Espoir igitego 1-0, mu gihe Rayon Sports yasezereye AS Kigali iyitsinze ibitego 3-2 bikaba igiteranyo cy’ibitego 4-3 mu mikino yombi.

Bivuze ko ikipe ya APR FC nyuma yo gusezerera Espoir FC izahura ku mukino wa nyuma w’igikombe cy’Amahoro n’ikipe ya Rayon Sports yasezereye AS Kigali.


Espoir yagerageje kwihagararaho ariko iza gitsindwa igitego ku munota wa nyuma

Ni umukino byari byitezwe ko APR FC iri buwutsinde biyoroheye ariko si ko byagenze kuko uyu mukino utagaragayemo ibintu bynshi cyane gusa waranzwe no gukanirana ku mpande zombi maze ikipe ya APR FC biyisaba iminota 88 kugira ngo ibone igitego kiyemerera gukomeza ku mukino wa nyuma, cyatsinzwe na Mutijima Janvier(Jijiya) kiba ari nacyo cyatandukanyije impande zombi Espoir iba isezerewe ityo.


Abakinnyi ba APR bishimira igitego natsinze ku munota wa nyuma

Ku rundi ruhande ibitego bya Pierrot na Diarra byafashije Masudi Juma gusezerera Eric Nshimiyimana mu gikombe cy’Amahoro.

Ku munota wa 15 gusa Kwizera Pierrot ku ishoti rikomeye yafunguye amazamu ku ruhande rwa Rayon Sports.

Ibi byishimo ntibyatinze ku bakunzi ba Rayon Sports kuko nyuma y’iminota mike Amidu Ndayisaba yishyuye iki gitego ndetse bidatinze Mico Justin yongeyemo icya kabiri ibintu bitangira kuba bibi ku ruhande rwa Rayon Sports.

Umutoza wa Rayon Sports Masudi yabonye ko nta mikino yinjiza mu kibuga kabuhariwe Nshuti Dominic Savio wari wabanje ku ntebe maze umukino uhindura isura Rayon Sports ishakisha igitego birayihira Diarra ahita akibona ndetse na mbere y’uko amakipe ajya kuruhuka ku ikosa ry’umuzamu wa AS Kigali wafashe umupira yarenze urubuga rwe, Pierrot yahise atsinda igitego kuri kufura maze amakipe ajya kuruhuka ari ibitego 3 bya Rayon Sports kuri 2 bya AS Kigali ari na ko umupira waje kurangira AS Kigali iba ivuye mu irushanwa.

Umukino wa nyuma w’igikombe cy’Amahoro uzaba ku wa mbere tariki ya 4 Nyakanga 2016 aho Rayon Sports na APR FC imwe izegukana igikombe, ariko uyu mukino ukazabanzirizwa n’uumukino wo guhatanira umwanya wa gatatu uzahuza ikipe ya AS Kigali na Espoir.

Amafoto: Musabirema Alexis

Yisangize Inshuti.

Ibitekerezo 8

  1. Nubunditurabizaiko Reon Spor Arumugorewaa A P R Nacyajyihe Iyitsinda Nuko Yajyirango Batayaka Izinaryo Ipfa Kuyiha Ibite Kujyira Igaragazeko Ikiri Reon Spor Ngewe Icyo Nakibwirira Abafana Ba Reonspor Nuko Bahumukabagafana Ikipe Ibaha Ibyishimo Kuko Reonspor Ibaha Ibyishimobyagahegato Ikipe Ni A P R Itwara Ibikombe Ahubundi Reon Izahora Itsindabyinshi Bidafite Akamaro Ko Imezenkumuntu Urya Ibiryobyinshi Bidafite Inungamubiri Arko Uwariyeduke Akaba Ariwe Urya Ibifite Inungamubiri.

Tanga Igitekerezo