PEACE CUP: APR FC ikirenge kimwe muri 1/2 nyuma yo gutsinda Bugesera

1

Wari umukino ubanza wa 1/4 cy’igikombe cy’Amahoro, APR FC yasuye Bugesera FC, maze APR FC igarurira icyizere abakunzi bayo itsinda Bugesera ibitego 2-0.

Ibitego bya Djihadi Bizimana ku munota wa 25 cya penaliti ku ikosa ryari rikorewe Nshuti Innocent rikozwe na Muhire Anicet uzwi nka Gasongo ndetse agahita ahabwa ikarita itukura, ndetse n’icya Nshuti Innocent cya ku munota wa 55 ku buranagre bwa ba myugariro ba Bugesra nibyo bitumye abanyabugesera ndetse n’abakunzi bayo muri rusange basa nabasezera mu gikombe cy’Amahoro cy’uyu mwaka.

Ni umukino ikipe ya APR FC yagiye gukina yirinda kuba yakora ikosa iryo ri ryo ryose kuko yaherukaga gutsndwa n’iyi kipe ku mukino usoza shampiyona 2-1.

Ni umukino watangiye ukinirwa mu kirere cyane ubona ko buri kipe nta kintu kigaragara irimo kugaragaza kugeza ku munota wa 25 ubwo APR FC yafunguraga amazamu kuri penaliti.

Nyuma yo kubona ikarita itukura ikipe ya Bugesera FC yacitse intege ikipe ya APR FC itangira kutyisatira ndetse ubona ko inayirusha, byaje guhumira ku murari ku munota wa 55 ubwo Nshuti yatsindaga igitego cya 2 ku burangare bwa ba myugariro ba Bugesera.

Umukino waje kurangira ari 2 bya APR C ku busa bwa Bugesera, bivuze ko ikipe ya APR FRC ariyo ifite amahirwe yo gukomeza muri 1/ 2 kuko kugira ngo byibuze Bugesera ikomeze biyisaba kuzatsindira APR FC i Kigali ibitego 3-0.

Undi mukino wabaye uyu munsi AS Kigali yanganyije na Amagaju 1-1

Indi mikino yabaye ku munsi w’ejo, Rayon Sports yatsinze Police FC 2-0, naho Marines inganya na Espoir 1-1.

Imikino ya Kwishyura iteganyijwe kuwa Gatatu tariki ya 21 Kamena, Rayon Sports yakira Police, naho Espoir yakira Marines. Ni mu gihe bukeye bwaho kuwa Kane tariki ya 22 APR FC izakira Bugesera naho AS Kigali ikakira Amagaju.

Dore 11 babanjemo ku mpande zombi

Bugesera: Kwizera Olivier,Uwacu Jean Bosco,Mugabo Ismael, Turatsinze Hertier, Muhire Anicet(Gasongo), Nzabanita David, Iradukunda Bertrand, Bigirimana Shaban, Ikecukwu Samson, Ssentongo Faruk, Guindo Abdallah

APR FC: :Kimenyi Yves, Ngabo Albert, Rusheshangoga Michel, Imanishimwe Emmanuel, Nsabimana Aimable, Mukunzi Yannick, Nshimiyimana Imran, Bizimana Djihad, Hakizimana Muhadjili, Sibomana Patrikc Nshuti Innocent

Canisius KAGABO / MAKURUKI.RW

Yisangize Inshuti.

Ibitekerezo 1

Tanga Igitekerezo