Numvaga babisakuza ngo nta lisence mfite ariko ndayifite:Jimmy Mulisa nyuma yo guhabwa APR FC

2

Umutoza mushya w’ikipe ya APR FC Jimmy Mulisa aravuga ko abavuga ko nta mpamyabumenyi yo gutoza afite ngo ko bibeshya kuko afite Lisence B ya CAF.

Jimmy Mulisa wakiniye APR FC imyaka 5 kuri uyu wa kabiri tariki ya 29/11/2016 nibwo yagizwe umutoza mukuru wayo.

Ku mugoroba wo kuri uyu wa gatatu nibwo yakoze imyitozo bwa mbere n’iyi kipe y’ingabo z’igihugu. Mulisa avuga ko yishimiye kugaruka muri APR FC kandi yashimishijwe cyane no kugirirwa icyizere cyo gutoza iyi kipe yanakiniye akayigiriramo ibihe byiza.

Jimmy Mulisa aje gutoza mu ikipe nka APR FC amaze imyaka 2 gusa ahagaritse gukina. Nta burambe aragira mu mirimo yo gutoza kuko yari amaze umwaka umwe ari umutoza wungirije mu ikipe y’igihugu.

Yaje mu ikipe y’igihugu avuye muri Sunrise yaramazemo amezi 4 gusa, hari abibazaga ko Jimmy yaba atanafite imyangombwa byo gutoza gusa ngo baribeshya kuko arabifite nk’uko abyivugira.

Ati:”Lisence mfite ngirango ubu mfite lisence B ya CAF numvaga babisakuza ngo nta lisence mfite ariko ndayifite narayibonye ndayifite mfite lisence B nakuye mu Budage hari na byabindi byo muri FIFA ndateganya no kujya gukorera izindi.”

Jimmy avuga ko abakinnyi abenshi baziranye kuko bahuriraga mu ikipe y’igihugu kandi ko bitazamugora. Ati:”Abakinnyi benshi turaziranye ndabazi bari mu ikipe y’igihugu ndabazi kuri jyewe ndumva nta kibazo.”

Jimmy Mulisa yavuze ko kuba amaze igihe gito atangiye gutoza bitavuze ko amaze gihe gito mu mupira w’amaguru ngo kuko imyaka isaga 17 amaze mu mupira izamufasha gutoza APR FC kandi akayigeza ku musaruro.

Jimmy Mulisa nawe yashimangiye nko ikipe ya APR FC yahawe gutoza abizi neza ko ari ikipe ikomeye kandi ihora ishaka gutsinda no gutwara ibikombe. Ikiyongera kuri ibyo kandi ngo ni uko afite intego yo kwitwara neza mu mikino ya Champions League azitabira guhera mu ntangiriro z’umwaka utaha.



Jimmy Mulisa yabanje kuganira n’abakinnyi mbere yo gutangira imyitozo


Imyitozo yey ya mbere Jimmy Mulisa nk’umutoza mukuru wa APR FC


Nyuma y’imyitozo abayobozi ba APR FC barimo Gen Musemakweli bari bakurikiye iyi myitozo baje gusuhuza abakinnyi

Yisangize Inshuti.

Ibitekerezo 2

Tanga Igitekerezo