Ni iki kiri inyuma y’iyirukanwa ry’abatoza b’Abarundi mu Rwanda ?

15

Ntakagero Omar, undi mutoza w’umurundi wari uherutse guhabwa akazi mu Rwanda yirukanywe nyuma y’igihe gito ahawe akazi ko gutoza Kirehe FC, aho ubuyobozi bw’iyi Kipe bwo buvuga ko bwamusabye kujya gushaka ibyangombwa bimwemerera kuba mu Rwanda, akaba akurikiranye n’undi mutoza w’Umurundi Kanyankore Gilbert Yaounde.

Muri iyi myaka ibiri abatoza b’Abarundi bari bamaze kwigarurira isoko ry’akazi ko gutoza mu cyiciro cya mbere ku bwinshi mu Rwanda, bamwe banakoraga aka kazi kandi ari impunzi. Umwaka ushize abatoza bane b’Abarundi nibo batozaga mu Rwanda ari bo Masudi Djuma watwaye igikombe cya shampiyona atoza Rayon Sports.

Undi ni Ndizeye Jimmy watozaga Espoir akayigeza ku mukino wa nyuma w’igikombe cya shampiyona ariko agatsindwa na APR FC atagitwaye n’ubwo yari yasezereye Rayon Sports muri kimwe cya kabiri.

Okoko Godfoid na we ni undi murundi watozaga mu Rwanda yatangiye atoza Mukura ariko aza kwirukanwa ajya gutoza Gicumbi FC aranayirokora ayigumisha mu cyiciro cya mbere kandi yarayisanze yari igiye kumanuka mu cyiciro cya kabiri.

Kanyankora Gilbert nawe ni umurundi watozaga Bugesera akaba yarajemo asimbuye Mashami wari ujyanwe mu ikipe y’igihugu.

Gusa Kanyankore yari yaje mu Rwanda aje gutoza APR FC nyuma gato ndetse ahabwa gutoza ikipe y’igihugu ariko mu cyumweru kimwe yambuwe izo nshingano zose ku mpamvu zatunguranye.

Muri uyu mwaka abatoza babiri b’Abarundi na bo bahise baza mu Rwanda umwe ni Ntakagero Omar waje aje gutoza Kirehe FC ndetse na Haringingo Christian Francis waje gutoza Mukura baje basanga ba bandi 4. Bivuze ko iyi shampiyona igiye gutangira yari kuzatangirana n’abatoza 6 bakuru b’Abarundi bari kuzatoza amakipe yo mu Rwanda.

Aba batoza kandi uko bazaga ari benshi n’abakinnyi b’Abarundi niko bazaga ku bwinshi kuko nk’ikipe ifite igikombe mu Rwanda ifite abarundi 3, Mukura na yo ifite abarundi 4 AS Kigali ikagira 3 andi makipe nk’Amagaju, Espoir, Bugesera …. Nabo bagiye bafite abakinnyi b’abarundi .

Muri iyi minsi ariko birasa nkaho ingoma zaba zahinduye imirishyo kuri aba batoza b’Abarundi kuko umunsi umwe gusa abatoza babiri bahambirijwe badatangiye akazi, ndetse amakuru agera kuri Makuruki yemeza ko hari na bagenzi babo barimo uwa Mukura, Espoir na bo baba bari mu nzira zisohoka muri aya makipe.

Byatangiye ari umutoza Kanyankore wa Bugesera wirukanywe, umunyabanga wayo abajijwe impamvu yasubije ko babonaga atazashobora akazi kuko yari atangiye kugasimbuza ingendo za mvahe na njayehe ajya i Burundi.

Ati: "Twasheshe amasezerano twari dufitanye, iyo abantu bakorana hari uburyo basuzuma uko bakoranye mu gihe gishize, ndetse n’uburyo bagiye kwinjira mu masezerano mashya, nk’ubu ikipe ntiratangira imyitozo kandi yagakwiye kuba yaratangiye, buri munsi ari mu ngendo hanze y’igihugu, twaje gusanga tugomba gusesa amasezerano hakiri kare, aho kugira ngo tuzagirane ibibazo muri Shampiona"

We ariko abajijwe niba ibyo Bugesera imushinja aribyo Nkanyankore yasubije Inyarwanda ko bamubeshyera. Ati :” Njyewe nakubwira ko abo bayobozi ibyo bari kugenda babwira amaradiyo atari ukuri rwose. Bampamagaye bampa ibaruwa insezerera ariko ndakubwiza ukuri ko impamvu bavuga ko nzira nasanze nta kuri kurimo na kumwe”

Kanyankore yavuze ko ingendo yakoraga zari zizwi n’ikipe ati :” Ariko iyo bavuga gutyo baransetsa rwose. Nagiye i Burundi aribo bantumye abakinnyi, ntabwo nijyanye. Nonese naba naragiye batabizi bakaba barampaye amafaranga yo kugura abakinnyi?. Bareke kubeshya amaradiyo kuko nagiye babizi ahubwo nuko bamwe batabyumvikanaho neza ngo nagombaga kugura abakinnyi ndi kumwe na komite. Ubundi se ko tukiri mu biruhuko ni gute bavuga ngo nataye ikipe?”


Kanyankore avuga ko yirukanywe ashinjwa guta akazi kataratangira

Ku munsi umwe kandi undi mutoza yahise yirukanwa, uwo ni umutoza Ntakagero Omar umutoza mushya wa Kirehe FC wirukanywe adatangiye akazi. Umuyobozi wa Kirehe FC Habanabakize Celestin abajijwe icyo bamwirukaniye yasubije ko atahita agira icyo avuga ataramenya aho ayo makuru yavuye.

Gusa aza gutangaza ko yamutumye ibyangombwa nabibona azagaruka ati: "Aka kanya ayo makuru ntacyo turayavugaho, nta makuru nahita ntangaza ku mutoza cyane ko ntazi n’ababivuga aho bayakuye, gusa igihari ni uko twamutumye ibyangombwa, aramutse atabibonye ni bwo hashobora kuzamo gutandukana, ariko abibonye yaza agakora akazi".

Uyu mutoza aza mu Rwanda Kirehe yari yavuze ko babonye umutoza bashakaga kandi bari bitezeho umusaruro ntibari bigeze bavuga ko atagira ibyangombwa.


Ntakagero Omar yirukanwe adatoje Kirehe umukino n’umwe

Umutoza Masudi Djuma wari witezwe gusimbura Kanyankore muri Bugesera na we yimwe akazi n’ubwo yahabwaga amahirwe, aka kazi kahise gahabwa Ally Bizimungu wari waravuye muri iyi kipe batumvikanye.

Amakuru akomeje gusakara mu Rwanda avuga ko n’andi makipe afite abatoza b’abarundi aryamiye amajanja kuko na bo bashobora kwirukanwa ntihagire umutoza w’Umurundi utoza amakipe yo mu Rwanda.

Aya ni amakuru akomeje gucaracara gusa nubwo atagira icyo atangazwaho n’urwego ruzwi ni uko bivugwa ko aba batoza baba bagenzwa na twinshi dutandukanye n’akazi ko gutoza amakipe.

Yisangize Inshuti.

Ibitekerezo 15

  1. Andika Igitekerezo Hano Ariko Antu muransetsa Igihe Mumaranye Nabarundi Nibwomumenye Ko Arabarozi ?Babahesheje Ibikombe None Mubise Abarozi.Useka Mukeba Gutamba Wojyamo Nturushe

  2. AAAA BIRABABAJE KUBA ABATOZA BABA RUNDI ARIBO BASHAKWA KURUTA ABANYARWANDA NUKOSE BAZI GUTOZA NEZA NIBAGE GUTOZA IWABO MURAKOZE

  3. AAAA BIRABABAJE KUBA ABATOZA BABA RUNDI ARIBO BASHAKWA KURUTA ABANYARWANDA NUKOSE BAZI GUTOZA NEZA NIBAGE GUTOZA IWABO MURAKOZE

  4. Hhhhhhh.

    " ARIKO ABANYA RWANDA MUZAREKA KWINUBA ABARUNDI RYARI NIBAGARUKE I BURUNDI NTABWO TURABACYIRA UMUKENKE.NIBAREKE ABO BANYARWANDA BISAMBURIREHO NKI MPENE.BAZAGERAHO BICYUZA "
    Uransekeje Mutama.

  5. 1 | 2

Tanga Igitekerezo