Ndoli yerekanye isano ibyamubayeho bifitanye n’ibya Imanishimwe bombi bashoje imanza hagati ya APR na Rayon Sports

8

Umuzamu mushya w’ikipe ya AS Kigali Ndoli Jean Claude, yagaragaje ko impaka yateje hagati ya Rayon Sports na APR FC zisa neza n’izo Imanishimwe Emmanuel aherutse guteza kandi ko zose ziterwa no kureba ahari amafaranga menshi.

Ndoli Jean Claude yasinyiye ikipe ya AS Kigali mu cyumweru gishize, nyuma y’imyaka 11 yari amaze muri APR FC yagezezemo mu mwaka wa 2005.

Ubwo yazaga muri iyi kipe ya gisirikare avuye muri Police FC, Ndoli yateje impaka zikomeye hagati ya Rayon Sports na APR FC kuko yari yamaze kugurwa na Rayon Sports ariko bikarangira agiye muri APR FC kuko yahise imuha amafaranga menshi.

Ubwo yasobanuraga ibi bintu kuri Flash FM yavuze ko ibyamubayeho bisa n’ibyabaye kuri Imanishimwe Emmanuel nawe kugeza ubu ukiburanirwa n’aya makipe yombi nyuma yo kuyasinyira yombi.

Ndoli yagize ati:”Ibyambayeho navuga ko ari nk’ibyaye kuri Emmanuel, Rayon Sports barambonye barambwira ko naza kubakinira ko bankunze ubwo bampa amafaranga ibihumbi 800 ndabasinyira ku gapapuro ka depurikata twemeranya ko nzabakinira ari uko shampiyona irangiye.”

Ndoli avuga ko akimara gufata ayo mafaranga APR FC yahise iza yitwaje amenshi kandi ko n’umuyobozi w’ishuri yigagamo yamuhitiyemo kujya muri APR FC.

Ati:”Amafaranga maze kuyafata ubwo nkirangiza ikizamini cya Leta ubwo APR ihita iza umunyamabanga wabo yari akiri Gen Mutagomwa arambwira ati twarakubonye na Diregiteri wanjye Birahamye abimufashamo arambwira ati jya muri ino kipe ndabona ariyo yagufasha ntabwo nari ku musuzugura kuko ni we wari umujyanama wanjye ni we wanderaga.

Ubwo APR iza yitwaje milioyoni 2 ndebye itandukanyirizo ndavuga nti reka mfate aya ngaya ndabona ari yo menshi 800 ndayibagirwa. APR ndayibwira ese ko namaze gufata amafaranga ya Rayon Sports ubu ngubu nta kibazo kizabamo? Irambwira ati sinya ibyo ngibyo tuzabikurukirana ubwo rero birangira nsinye amasezerano nyayo atari ka gapapuro biciye mu mucyo.”

Ndoli Jean Claude yavuze ko ubwo Rayon Sports bahise bayisubiza ibihumbi 800 byayo ahita yerekeza muri APR FC.

Ibi yabihuje n’ibya Imanishimwe Emmanuel wasinyiye Rayon Sports amasezerano yo kuyikinira ariko akayisinyira ku rupapuro bwacya agahita asinyira APR FC, ibintu byateje impaka ndetse binatuma Rayon Sports ubu yarajyanye ikirego muri FERWAFA.

Yisangize Inshuti.

Ibitekerezo 8

  1. ubwo c bihuriye h . icyo nziko nuko Imanishimwe azavetera ku kurusha kuko mwese ni ubuhemu gusa azakurusha kuvetera kuko Imanishimwe yasinyiye ibyo azi neza wowe ukaba warasinye kuko wari ukiva muri secondary utazi ibyamafranga nubwo nayo ari ubuhemu

  2. Andika Igitekerezo Hano
    Barayanga jyikundiro ariko izabikora Rwatubyaye wacu Diyar nabandi manishimwewe nimumurek ajyiye kuveter jehadi najyamari titi ntababona fosite .

  3. jyenda ndoli ushaje nabi pe, wandavuye kuba warahemukiye gikundiro nayo niyo mpamvu hari matche 2 yagiye igutuburira ikwinika muri yorodani ikubatizanya na benewanyu 4-0 kubusa wagirango niwowe wari umuvuno wayo pe none ngaho igikona kikwirukanye izuba riva pe! usinyira 600.000frs muri as kigali mbega kurangira nabi weeee

Tanga Igitekerezo