Mukura: Abakinnyi banditse ibaruwa banga ubwegura bw’Umunyamabanga

1

Muri iki gitondo cyo kuri uyu kwa Kabiri nibwo inkuru yasakaye ko Umunyamabanga wa Mukura Habimana Hamdan yeguye, abakinnyi bakaba bamaze kwandikira perezida bamusaba kwanga ubwegure.

Abakinnyi barangajwe imbere na kapitene Mazimpaka Andrew banditse ibaruwa isaba umuyobozi wa Mukura Olivier Nizeyimana ko yakwanga ubwegure w’umunyamabanga Habimana Hamdan wamaze gutangaza ko yeguye.

Aba bakinnyi bavuze ko bakurikije iterambere yari amaze kugeza ku ikipe, ngo ntabwo bikwiye ko ubwegure bwe bwakwemerwa.

Hamdan yavuze ko yeguye kubera impamvu ze bwite kandi ko nta kibazo yari afite muri Mukura Vs. Abakinnyi bagera kuri 21 nibo basinye kuri iyi baruwa.



Ibaruwa abakinnyi bandikiye perezida wa Mukura bamusaba kwanga ubwegure bwa Habimana Hamdan

Hagati aho umutoza Okoko Godefroi uheruka gutsindwa mu mukino n’ikipe y’Amagaju igitego kimwe ku busa, yavuze ko abafana b’iyi kipe baba bashaka ibyiza kandi nta kintu batanga. Ibi abivuze mu gihe bamwe mu bafana nabo bumvikanye binubira abakinnyi baguzwe n’iyi kipe.

Okoko nyuma yo gutsindwa n’Amagaju yumvikanye yinubira abafana bamuhamagara bamusaba kuko bakorera ibyiza kandi ntacyo batanze.

Ati:”Ushaka umukinnyi mwiza namugure. Kuvuga ni ukuvuga. Hari umuntu wampamagaye witwa Bernard ngo arashaka umukinnyi, ku mafaranga yande? Ku mafaranga y’umutoza, ku mafaranga ya perezida ku mafaranga y’umunyamabanga ku mafaranga yande? Ashaka ibyiza nazane.”

Umutoza OKOKO avuga ko ikipe afite ari nziza kandi n’abakinnyi yaguze ari beza ahubwo ngo igisigaye ni ukubatoza.

Okoko kandi avuga ko abafana ba Mukura bafite akaduruvayo kuko bashaka kwivanga mu kazi katabareba.

Ati:”Hari umuntu wari wazana umukinnyi nkamwirukana.Nibazane umukinnyi akine. Abafana ba Mukura bashaka kuzana akaduruvayo hakiri kare. Jyewe nzakora ikipe, ikipe ni jyewe uzayitoza. Abakinnyi bashobora kuza kubera umutoza. Bashaka kuza (abafana) mu mwanya w’umutoza, bashaka kuza mu mwanya wa perezida, bashaka kuza mu mwanya w’abafana, ibyo ni akaduruvayo.”

Mukura VS umwaka ushize yarangije shampiyona iri ku mwanya wa gatatu, byanatumye uyu mutoza ahita yongererwa amasezerano. Ibyo byatumye haza umwuka mubi muri iyi kipe kuko amakuru avuga ko aya masezerano abayobozi bose batayemeranyagaho.

Yisangize Inshuti.

Ibitekerezo 1

  1. Ahubwo Jye Ndabona Umutoza Nawe Atari Stable,ukurikije Ibyo Avuga Ni Ukwihagararaho,nonese,niruhareki Yagize Mukugura Bariya Bakinnyi?Niyihagarareho,azavuga Muminsi Iza!Ngaho Nabatoze Nyine Ntakundi,gusa Icyo Abakinnyi Basabye Nanjye Ndagishyigikiye.

Tanga Igitekerezo