Kwamamaza

Imikino

Mu masaha make Arsenal na Manchester United bashobora gutangaza abakinnyi bashya

Yanditswe

kuya

na

Alexis Musabirema
Mu masaha make Arsenal  na Manchester United bashobora gutangaza abakinnyi bashya

Ikipe ya Arsenal mu masaha make ishobora gutangaza ko yamaze gusinyisha rutahizamu wa Leicester City Jamie Vardy aguzwe amapawundi miliyoni 20 na ho mukeba wabo Manchester United yo biteganyijwe ko kuri uyu wa kabiri iza kwerekana Zlatan Ibrahimovic nka rutahizamu mushya w’iyi kipe.

Bimwe mu bitangazamakuru byo mu Bwongereza birimo Daily Mail ndetse na The Mirror, byemeza ko Arsenal yemeye gutanga miliyoni 20 z’amapawundi kandi ko ari byo biri mu masezerano y’uyu mukinnyi ko ikipe izamwifuza izatanga izi miliyoni 20 kandi ikaba izakina imikino ya Champions League.

Andi makuru kandi avuga ko Vardy yamaze gukora igeragezwa ry’ubuzima (Medical test) muri iyi kipe, ndetse akaba agomba kwerekanwa nk’umukinnyi wa Arsenal mu masaha make mbere y’uko yerekeza mu mikino ya Euro 2016 hamwe n’ikipe ye y’igihugu.

Rutahizamu w’Umufaransa Olivier Giroud usanzwe ukinira Arsenal yavuze ko byaba ari byiza Vardy aramutse aje mu ikipe yabo.

Giroud yagize ati:” nabwiwe ko Jamie Vardy ashaka kuza mu ikipe yacu, ni amakuru meza kuri twebwe kandi ntekereza ko dushobora kuzuzanya, ni umukinnyi mwiza ni byiza kuri twe”


Jamie Vardy ushobora kugurwa na Arsenal

Ku rrundi ruhande kandi itangazamakuru ryo m’u Bwongereza ryavuze ko rutahizamu Zlatan Ibrahimovic na we kuri uyu wa kabiri tariki ya 7 Kamena 2016 agomba kwerekanwa nk’umukinnyi mushya wa Manchester United.

Uyu munya Sweden w’imyaka 35 yarangije amasezerano mu ikipe ya Paris Saint Germain ndetse n’iyi kipe ikaba yaravuze ko umwaka utaha Zlatan atazayikinira.

Kuva Mourinho yasinyira Manchester United nk’umutoza mushya, ibinyamakuru byahise bivuga ko Zlatan na we ashobora guhita amukurikira ndetse na we ubwe yivugiye ko yishimiye ko Mourinho agiye muri Manchester United.

Ibinyamakuru birimo Daily Mail na The Mirror byemeje ko uyu musore ejo ku wa kabiri tariki 7 Kamena 2016, ari bwo uyu mukinnyi azerekanwa nk’umukinnyi mushya muri iyi ikipe ya Manchester United mbere y’uko ajya muri Euro.

Uyu musore ubwe yivugiye ko iri gurwa rye rizaba ari irya mbere muri iyi mpeshyi kandi ko kuri uyu wa kabiri gutangazwa kwe ari ikintu gikomeye .

Ati:” kuri uyu 7 Kamena riraba ari itanganzwa rikomeye , rizaba ari ryo gurwa ry’umukinnyi rikomeye muri iyi mpeshyi”


Zlatan ushakwa na Manchester United.

Ibinyamakuru byo mu Bwongereza kandi byatangiye kwibaza ikipe iza kuba isinyishije rutahizamu mwiza muri aya makipe yaba Vardy ndetse na Zlatan bitewe n’imyaka bafite kuko Jamie Vardy afite imyaka 28 na ho Zlatan afite imyaka 35.

IBITEKEREZO

  • iradukunda oziriano Yanditse:

    Arsenar turayikunda gusatwe nivakomeze badushimishe turingabafana vardy nikaribu mu ikipe dukunda
    !!!!!

  • nduwimana abdoul basta mu karere karusizi umurenge wa bugaram Yanditse:

    ndifuzako mwa tuvuganira nkabakunzi wumupira murwanda ko federation ya sport murwanda yazajya ifata abanyamaganga Mu kipe yigihugu doreko naba. hashyi iburayi bariho core nkikipe yigihugu yu bufaransa abahashyi baribarimo nicyo gitekerezo cyanjye

  • nduwimana abdoul basta from bugarama akarere karusizi ndu mufana wa arsenal nishimiye kugura uyo rutahizam Yanditse:

    Andika Igitekerezo Hano nasaba ko twagura nabandi barutahizamu bazajya basimburana na corpus

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza