Mu magambo yuzuye agahinda Karekezi yifatiye ku gahanga Perezida wa FERWAFA De Gaulle

10

Mu kiganiro n’abanyamakuru cyabaye kuri uyu wa kabiri ku cyicaro cya FERWAFA ubwo herekanwaga umutoza. Perezida wa FERWAFA Nzamwita De Gaulle yavuze hari gutegurwa ikipe y’igihugu igizwe n’abenegihugu igomba kujya muri CAN.

Aha ni naho yahise ahera avuga ko kuri we u Rwanda rutagiye muri CAN muri 2004 ngo kuko ari abanyamahanga barukiniraga .

Ati:‘’Turi gutegura abana b’abanyarwanda. Mbere ntabwo twakoreshaga abanyarwanda, ikipe y’igihugu yabaga yuzuyemo abanyamahanga. Ni byo turi gukora ngo ntibizasubire. Nkanjye ku bwange ntabwo u Rwanda rwagiye muri CAN kuko abayikinnye n’abaruhaye itike bari abanyamahanga’’.


Perezida wa FERWAFA De Gaulle wahakanye ko u Rwanda rutagiye muri CAN 2004 kuko ngo rwakinirwaga n’abanyamahanga.

Aya magambo ashobora kuba atakiriwe neza n’abakinnyi bajyanye u Rwanda muri CAN icyo gihe.

Umwe muri bo wahise anabigaragaza ni Karekezi Olivier umwe mu bakinnyi bari bafatiye runini u Rwanda icyo gihe ndetse akaba n’umunyarwanda wuzuye utavangiye.

Mu magambo yuzuye uburakari abwira Nzamwita De Gaulle , Karekezi abicishije kuri facebook yagize ati:”nyakubahwa perezida wa FERWAFA ushobora kwishimira ibyiza igihugu kimaze kugeraho kuva intambara yarangira(jenoside)? Ese ushingira he uvuga y’uko igihugu cyabonye tike yerekeza mu gikombe cya Afurika binyuze mu banyamahanga?

Nimba ari ukujya mu kintu kigutunguye nibyo bituma kwiyumvisha ibyo ugenda uvuga inzira zose bigenda bitungura umuntu wese usobanukiwe n’umupira. Hanyuma 2015 badutera mpaga.. bayiduteye kubera nde se ? hahahahaha nimba ari uko wize ibyo korora amafi muri Kongo ngirango ni nayo mpamvu ugera mu mupira bikagucanga .

Ibihugu byose byitabaza abahanga mu mupira b’abanyamahanga ni uko ari abasazi se? Ese abakinaga 2004 uvuga ko ari abanyamahanga ubu urusha ikinyarwanda Katawuti Ndikumana? Njyewe reka nkugire inama, wakomeza utakomeza kuyobora FERWAFA n’uko nasaba ko uzanagusimbura azaza akomereza ku byiza waba waragezeho apana kuza avuga ibidafitiye akamaro igihugu cyacu. Urakoze.”

Abakinnyi 23 bagiye muri CAN nk’uko Perezida De Gaulle abivuga harimo abakinni b’abanyamahanga ndetse n’abanyarwanda. Gusa abanyarwanda kavukire bagize uruhare rukomeye mu guha u Rwanda iyi tike.

Gatete Jimmy ari mu batazibagirana kuko mu manota 7 u Rwanda rwari rufite ubwo rwajyaga muri CAN , 6 rwayabonye kubera ibitego bya Gatete. Harimo 3 u Rwanda rwaboneye muri Uganda ku gitego kimwe yabatsinze ndetse n’andi 3 u Rwanda rwaboneye I Kigali rutsinda Ghana igitego kimwe ku busa nacyo cya Gatete Jimmy.

Karekezi Olivier niwe munyarwanda witwaye neza muri CAN n’ubwo nta gitego yatsinze kuko ibitego 3 u Rwanda rwatsinzwe byatsinzwe na Manamana Elias , Saidi Abed ndetse na Kamanzi Calim

Abakinnyi 23 bakiniye u Rwanda muri CAN 2004:

Patrick Mbeu, Jean-Paul Habyarimana, Hamad Ndikumana, Abdul Sibomana, Léandre Bizagwira, Frédéric Rusanganwa, Canisius Bizimana, Michel Kamanzi , Joao Elias Manamana, Jimmy Gatete, Olivier Karekezi, Henri Munyaneza, Elias Ntaganda, Saïd Abed Makasi, Désiré Mbonabucya, Eric Nshimiyimana Jean Lomani, Ramadhani Nkunzingoma, Karim Kamanzi, Jimmy Mulisa, Jean Rémy Bitana, Jean-Claude Ndagijimana

Yisangize Inshuti.

Ibitekerezo 10

  1. ibi bintu birababaje, ambiance yabaga muri stade kiriya gihe sinziko, tuzongera kuyibona. None ngo nabanyamahanga! birababaje. Olivier we ihangane twe twarumiwe.

  2. uyu muyobozi wa ferwafa ntakigenda kbs age amenya ko tutamwishimira ibyo akora byose arikinisha twe abanyarwanda tubona ukuri ntago tumurinyuma twibaza uko yageze no kubuyobozi bikaducanga rwose

  3. uyu muyobozi wa ferwafa ntakigenda kbs age amenya ko tutamwishimira ibyo akora byose arikinisha twe abanyarwanda tubona ukuri ntago tumurinyuma twibaza uko yageze no kubuyobozi bikaducanga rwose

  4. Mubuzima nangumuntu uvugubusa dego yuryaguphobya abanyaranda vumvantasoni? harya icyowamariye urwanda niki? gabanya ubugambo weguze uryekurya kubyo ibyutakoreye ntabuyobuzi bwaruhago dufite kbs

  5. hhhhh! birababaje kubona umuntu nka degaule avuga ariya magambo kbs! nashaka asabe abanyarwanda bose imbabazi

  6. Uyumugabo arancanga kabs! mbere yokubita abanyamahanga azabanze arebe Ibendera ryari ribayoboye abone kubita abanyamahanga! ubundise Dogoli risobanuye icyi? simbona ari irinyamahanga! umuswa utazi nicyinyarwanda yarangiza akita abanyarwanda ngo ni abanyamahanga! njyewe ibibintu birambabaza cyane kabs!!

  7. Uyu mugabo mbona avugavuga nibitari ngombwo! Ubwo se iriya comparaison ipfobya success yigihugu yayijyanaga he!? Umunyarwanda nubyemerewe namategeko, nawe ntiyahavukiye! Aribyo Coupe du monde bayake France, Germany cg Spain Kuko zose zikinisha aba naturalisé!

    Shame on Him kabisa!

  8. Nge mbona degaulle akeneye umujyanama uzajya unamutegurira ibwirwa ruhamwe aho kuva mukabari aza mukiganiro ngo ngewe kugiti cyange uko byumva iyo ntago ari imvugo yumuyobozi nukugaragazza urwego uriho abanyarwanda twese tuziko twakinnye can no muri caf birimo ndetse nge ndacyabitse agace ka ticket ninjiriyeho kuri match ya ghana kubera ibyishimo nahakuye so degaule isubireho

Tanga Igitekerezo